JPHPT momoruhang kagarasan puru
“Laang popoingkawas panamangan pomorisaan id piwolitan Sabah om Sarawak - Yeo Boon Kiat
KOTA KINABALU: Koupisan Kotorinaan Tayam om Kopomogompian (JPHPT) timpuunan momoruhang kogumuo pakakaraja montok poiyonon id longobon sumuang tagayo pogun montok popoingkawas do panamangan pomorisaan tayam id piwolitan SabahSarawak.
Potunud JPHPT Dr Yeo Boon Kiat minoboros do kagarasan puru ruhangan montok papatantu do pomorisaan papanaon kumaa toinsanan padsakaian di korikot id Sindumin mantad Sarawak.
Ka dau JPHPT maganu laang tokodou montok momorisa om mongukab bonet toinsanan padsakaian di sumuang do piwolitan pogun diti maya nangku Sindumin toiko Menumbok.
“Okon ko momoruhang tokou do papakaraja id Sindumin noopo katapi id Menumbok nogi. Maganu tokou koinsomokan miampai miingat-ingat mooi do tayam di owiton sumuang maya kawaigan pogun nga porisaon nogi.
“Suhuon tokou o puru koupisan montok papaharo do pomorisaan miampai momoguno ‘shif’ gisom jam 10 dongotuong,” ka dau ontok romuto hiti koniab.
Poingkuro poh nga, mantad podi kopogoduhan kinosuangon tayam mantad Sarawak pinalabus gisom baino, aiso poh nunuunu kes ih kopotongob notorimo do koupisan dilo.
Sundung pia irad dilo, ka dau, laang miingat- ingat tatap onuon montok popogirot do panamangan pomorisaan id piwolitan pogun.
Noboros di Yeo ahal dilo montok minongomi laang -kopogirot-ankuasa papanaon id piwolitan Sabah-Sarawak sumusuhut kes nolorian ‘virus rabies’ kuminaa tolu kes tangaanak id Serian, Sarawak ontok tadau Koonom nakatalib.
Kumoduo Boyoon Montiri ih nogi Montiri Pomutanaman om Pomorunan Taakanan Datuk Seri Panglima Yahya Hussin ontok tadau Koonom pinapatantu do aiso norolian ‘virus rabies’ pinoruput id Sabah.
Sumusuhut kes norolian ‘virus rabies’ nokomoi tolu tulun id Sarawak, naanu isio minoboros do koponuhuan nakatahak noh kumaa JPHPT tuh papaharo do pomorisaan om pongintongan id piwolitan sabaagi laang miingat-ingat montok mongilag do kosuangon tayam miau mantad Sarawak.
Om nogi toinsanan lisin pinalabus do JPHPT montok mongudar (mogowit sumuang) tasu om tingau mantad Sarawak nga noidu nogi.
Kosuangon tayam miau mantad Sarawak nga pogoduhan nogi.