MINSINGILO BOROS KADAZANDUSUN APASI BOROS, APASI TINARU
o pogintutunan do tinaru. Nung aiso o boros, aiso o tinaru. Boros di au gunoon do sanganu nopo nga atanus. Kotonuson do boros mogowit kumaa kopunsoon do tinaru. Boros tulun Mamasok (native people) ii kaampai nog boros Kadazandusun id pogun diti, id suang do koligaganan do atanus nung au no diolo gunoon do mimboros id walai sondiri kumaa tanak om gunoon nogi daa diolo id walai panambayangan do monuduk mantad Buuk Kinorohingan, modsinding om sumambayang. Id sumusuhut diti nopo nga pinibarasan di Johan om ii Johana (ngaran au otootopot do yolo i tulun sangaran) montok do pinanau sukodwagu id rolot tinimungan togumu timpu baino diti. Kopisanangan do mambasa.
Johan: Id pomusarahan nu, nokuro ma tu kasaap i minogkosusu do pataam do tanak kosususu? Johana: Okon ko iyoku uhoton nu toi ko i apatut sumimbar dino pongudiyaan miagal dino. Johan: Apatut do sumimbar ko mantad no do tondu ko. Johana: Kada oku tandasai pataam tanak kosususu om inoinsan oku minomonsoi miagal dilo. Johan: Okon ko monondos oku dika nga kotunud ko doti kobungou nokuro tu pataamon di tama o tanak kosususu dino. Johana: Au oku monongkoilo kinaantakan miagal dino. Johan: Tondu miagal dika apatut sumimbar diti pongudiyaan om manahak tuwa pomusarahan poingkuro monoribau diti kobolingkaangan poimpasi do tinimungan tongomulok timpu baino. Johana: Siou, aiso toilalaan ku. Kusai doti i atandasan soira poponontiyan isio tondu id labus do piniangayan. Johan: Miagal nodi sisimbar kinongohon ku. Nunu po kobungou ? Johana: Nokuro tu osonsog ko kopio muhot doho? Johan: Isai di pasalaan do papataam tanak? Johana: Kusai o kasala tu manambarana tondu om au dau silihon do sawo ih tondu. Johan: Nga kada oku pampaio. Au oku doho momonsoi miagal dilo. Yoku nopo nga ongoion ku i tondu om silihon ku sawo koupusan ku sogiigisom. Johana: osonong ino pongokunan nu nga inoilaan no nung otopot kopio do owonsoi nu. Johan: Alalaa Johana nokuro tu au ko alansan doho. Aiso suai ungkapan ku diti boros ku nga ika no daa. Johana: Siou, kisanganu oku no. Johan: Toi kopio? Nokuro tu au oku dika sinunudan toruhai? Minoninduol ko doho. Johana: Siou, nga inoinsan oku minangakun do asanangan oku dika. Johan: Nga Johana, kinongoho po ti boroson ku Johana: Siou, au oku no mokinongou dika tu mantad dino ralan nu sumimbar doho do noilaan ku no do kusai ko do oromuk ginawo. Johan: Johana, Johana, mokiampun oku dika, ompunai oku om kada oku dika insudai. Johana (mininsud mantad doros di Johan miampai do aiso simbar)