Soosomok 1,000 tulun minamung abaabayan ‘Run For Life’
KINABATANGAN: Soosomok 1,000 tulun uminampai abaabayan ‘Run For Life’ ih pinanjur di Unit Tingkatan Enam miampai pinitambaan do Koisaan Molohing om Mongingia (PIBG) Sikul Pintangaan Kabansaan (SMK) Bukit Garam.
Abaabayan di pinaharo id Tapak tamu Konsol Watas Kinabatangan dilo nampayat di susumikul, mongingia om tulun ginumuan.
Ponongkusan di kumoinsan nogi pinaharo dilo nopo nga asil pinomusarahan di Pengetua SMK Bukit Garam Albert Bayoi miamapi kigaab montok mogium kousinan montok Tingkatan Enam om idsuang timpu ih iso’i montok poposoribau do puru ngawi sikul ih minsingubas do ralan kopoposion di olidas.
Maya abaabayan dilo, minampayat ngawi pinapaharo do ponongkusan kisinodu 7 Kilometer. Kabarai iyolo yuran kaampayatan om nonuan iso rasuk ‘T’, medal om sijil kinampayatan.
Yang Dipertua PIBG SMK Bukit Garam Hajah Sarmiah Haji Mislong minamarayou do laang dilo sabap duo ‘objektif’ kaanu mamalantoi id suang iso timpu.
“Au oku kasangka ponongkusan diti nakaanu pangaramitan di kopongunsb. Kotoluodan kumaa bogian sikul di pinapanau do abaabayan irad diti,” ka dau.
Abaabayan dilo nakaanu kasagaan mantad Upis Tinan Monorina Sipoot Pogun Sabah om Pulis Diraja Malaysia (PDRM).
Suai ko ilo, Upisor Balajaran Watas Kinabatangan Yassin Nasir koponokodung nogi do pinanganjuran abaabayan dilo.
Alansan nogi iyolo tuh abaabayan ponongkusan irad dilo kaanu popotilombus ontok timpu tabantalan.