APMM Labuan minamaga’au lori om tiinumon kaavuk pinasakai feri Labuan-Menumbok

LABUAN: Agensi Popogiotkuasa Maritim Malaysia (APMM) nakaanu minamagakom ponginaman mogohimu om minamaga’au tiinumon kaavuk di au po nabalazan sukai kihoogo RM125,000 oviton id Sabah songian puu agensi dino minanaan feri minogovit iso lori miampai kisuvang balangan ‘kontraban’, kikila 5.6 batu nautika mantad kavaigan Labuan, di sosodopon songkoniab.

Lori kikotumbazaan do kigatang hobi RM70,000 gunoon montok mogohimu bir kijenama Tiger Beer nataan nogi.

Huguan Popogiotkuasa APMM Labuan Kapt Maritim Che Adnan Md Isa minoboos do lori minogovit bir dino noihaan suminakai feri mantad Labuan pougadan id Menumbok, Sabah id jam 5.30 sosodopon songkosodop.

“Kahapas nopo nkanaau kopoihaan mantad tuhun togumu, suminikap izikoi suminuut feri dino sohinaid soosomok sojaam poguhui minanaan feri dino id jaam 6.44 sosodopon kiikila 5,6 batu nautika mantad kavaigan Labuan, nokokito izikoi do bir pinohosok id siibo guni ih kisuvang kinouhuan ngavi kazu montok tuduvan poposout mato boogizan monguasa.

Sinuu dagai o kapten feri montok sumikap gumuhi mahik doid Labuan om minamaga’au lori om minanaan papapanau kiikila jam 10.10 dongotuvong id Terminal Feri Labuan montok ponoizukan potihombus,” ka disido.

Papapanau kiumul 31 toun dino minomisunud do APMM do isido papanau mugad doid Kota Kinabalu katapi au nakaanu minanaak kopointahangan di koposontob ginavo id nombo isido minaganu bir dino.

Minoboos Che Adnan do papapanau lori dino dawaan dati minomogohimu id siibo Akta Kastam 1967, sabap au nakaanu pinopokito do ‘dokumen’ ponokotanda do ‘sumber konsainan’.

“Pinamahauan diti (poinggagazo ontok toun diti) sodop koniab), nokoposuat izikoi do apat kes gisom baino diti miampai duvo mantad dino novit no doid kuut,” ka disido. -Bernama