Aiso alasan au mokianu kad kointutunan
# Kiharo 231 upis JPN id pointongkop pogun
JITRA: Aiso alasan montok tulun togumu do au mokianu kad kointutunan di nopongo noh pinalabus sabap do kiharo 231 upis Koupisan Koporijistaran Pogun (JPN) id pointongkop pogun baino diti, ka di Boyoon Potunud JPN Datuk Mohd Yazid Ramli.
Om nogi ka disio, ginumu dilo nogi atambaan doti miampai kapamansaian Longkod t Transformasi Labus Kakadaian (RTC) ih wagu sumusuhut koupisan dilo nopo nga iso mantad agensi ih pinatantu montok kiharo id potitikid longkod ‘transformasi’.
“Sokiroko sumakit iyolo toiko au kaanu maganu kad kointutunan id upis JPN watas, poposodia yahai do kotorinaan mabpanau miampai rumikot id lamin nangku toiko rumikot id lamin pongusapan, miampai poposunud doid JPN noopo.
“Om nung aiso kosiwatan mokitorina ontok timpu doungadau, upis JPN id UTC haro papanau kotorinaan gisom jam 10 dongotuong,” ka dau kalapas pinotimpuun do Longkod Panaapan Teragih (DPP) MyKad pogun Kedah hiti koniab.
Kiginumu 159,000 kad kointutunan pinoriku do JPN kakaal au poh nongoi di sanganu dau gisom haro ih nokolobi timpu duo toun.
Idsuang ahal dilo, JPN pogului diti kiatag montok poponiba do timpu tototopot momonsoi resit kad kointutunan naamot sabaagi iso mantad laang tosonong montok mongingkudi do kes MyKad di au tinuntut suai ko kiatag popoinsawat rontob ‘fi’ kumaa diolo di au minoi paganu kad kointutunan idsuang timpu di pinatahak.
Projik Hab DPP popomilo do timpu kapanahakan MyKad montok upis Sub Hab kaanu poponiba mantad 10 tadau pakaraja kumaa limo tadau montok Semenanjung Malaysia om mantad 30 tadau kumaa turu tadau pakaraja montok Sabah om Sarawak.
Kiginumu 36 mantad 55 upis DPP id pointongkop pogun nosiliu noh hab DPP ih manaap do pangapalaian MyKad mantad 157 upis JPN songindoros (Sub Hab), om ngi kopongikit do timpu opongo pangalabusan MyKad pialatan 50 gisom 77 paratus.
Id Kedah, ilo kopoompit do duo hab ilo nopo nga upis JPN Kedah ih momonsoi panaapan montok pangapalaian MyKad mantad Sub Hab JPN Napoh om Bandar Baharu om UTC Alor Setar momonsoi panaapan montok pangapalaian mantad Sub Hab JPN Baling om Langkawi. -B