Kapatantuan umur pakaraja songkosuaian pinotilombus
KOTA KINABALU: Tanda kapatantuan umur pakakaraja songkosuaianidSabahpinotilombus gisom 60 toun.
Potunud Koupisan Imigresen Sabah Musa Sulaiman minoboros do kapatantuan dilo winonsoi maya do kinookunan do bogian monguasa pogun diti.
Ka dau, ilo nogi sabaagi kopongumbasaian kooturan pamaganuan om ponorinaan pakaraja songkosuaian id Sabah.
“Kooturan tanda kapatantuan umur wagu diti poingkuro poh nga tumanud doid pakaraja songkosuaian dino nokomoi.
“Ilo mositi tumanud do ‘prasyarat’ posodia haro ih suai doulu noh nakapaas pomorisaan kolidasan.
“Kopolombusan tanda kapatantuan umur diti nopo nga montok mangapalai wagu om potilombuson id toinsanan bogian,” ka dau id pitimbungakan abar hiti koniab.
Minoboros isio do bogian monguasa pogun nogi kaakun popolombus do timpu kotorinaan pakakaraja songkosuaian.
Tumanud dau, timpu ‘maksimum’ pogului diti solinaid 10 toun minomoguno ralan tonudon ‘5+5+5’ pinotilombus kumaa 15 toun momoguno ralan tonudon ‘5+5+5’.
Minoboros ih Musa do goduoduo kooturan dino nokomoi tumimpuun pinogirotkuasa nosondikot.
Suai ko ilo ka dau, Abaabayan Panggajian om Pongiyanan Kawagu Modidikot Aiso Kasagaan id Sabah (Rehiring Sabah 2017) pinotingkod gisom 15 Ogos 2017 (baino).
Ka dau, abaabayan di pinapanau mantad podi 16 Februari dilo au maan potilombuso om touki ih kakaal au poh nokoporijisto pakaraja kakaal haro timpu gisom sodop diti.
“Gisom baino, aiso kopolombusan montok ‘Program Reghiring Sabah’. Poingkuro poh nga, nung komponi ih linantik mokianu montok pokitolimbusan om asaga o bogian monguasa pogun, pouhanon tokou kawagu.
“Nga pogului diti, aiso poh notorimo nunuunu ‘indikasi’ ih ponokotanda do abaabayan diti maan potilombuso,” ka dau.