Olingan poh Daniel mingluda ‘Muay Thai do naamot, tumingan do UPSR

TAWAU: ‘Juara’ Komulakan Pomogunan Muay Thai, Daniel Fiedieans Maideh muhang mingkoyod naamot mantad mingula sipoot dilo montok manahak pongintangan doid Poniisan Pamagatangan Sikul Tosuriba ih sumodia mirikau do poporisaan dilo ontok wulan dumontol.

Susumikul toun onom Sikul Kabansaan Tanjong Batu Keramat minoboros do sundung pia nokoponurat kinalantaian tosonng kopio id kaganaan sipoot, au obuli olingan balajaran montok mamajamin timpu tabantalan.

“Muhang oku manahak kapatantuan tosonong kopio montok sumuli toluod molohing, taki om mongingia ngawi ih toririmo manahak sokodung om pongunsuban kokomoi kaanagnan ku id suang kaganaan sipoot Muay Thai,” ka dau ontok romuto ontok kinorikotan id Tutubpoon Kapal Tumulud Tawau mantad Kota Kinabalu, sodop koniab.

Kinorikotan di Daniel, 12, rinamit di puru paganakan om mongingia om mogigion kampung. Nokotindapou nogi ih Puru Lamin Koundangan Pogun Tanjong Batu Datuk Hamisa Samat ih nogi Panakadai Montiri Kotundaan Kotos om Koburuon Teknologi Kopoilaan.

Minoboros ih Daniel do tumilombus isio mingluda kalapas asalasai mirikau UPSR ih tumimpuun ontok 11 September diti.

Osuau miampai lohowon Olan id pialatan mogigion kampung, noboros di Daniel do tuminimpuun isio minampayat sipoot id bogian gumaga tinan ontok kiumur onom toun.

Nga ka disio ontok timpu diri sipoot pilion disio nopo nga mitumbung yinju) sabap noimbayatan miampai taki ih nogi ‘peninju amatur’ Sabah.

Kobulihan Daniel id kaganan sipoot Muay Thai noilaan di tapa dau tobpinai dau Faizanizan Kusin ontok 2015 om mantad dilo suminuang isio Kalab Muay Thai Tawau pogului aparagat suminuang pialaan bogian watas, kabansaan om kalapas dilo minonongkibai id bogian sompomogunan montok kumoinsan nogi id Pialaan Komulakan Pomogunan Muay Thai id Bangkok, Thailand ontok 3 gisom 11 Ogos nakatalib.

Daniel ih kitinan okoodo dilo nakaanu minonigowo ponokisaap ih osodu lobi agayo montok mamalantoi do pialaan dilo. -Bernama