Kusai kuminam kumiros tuminuun mantad tingkat dua natampasi
KOTA KINABALU: Songuhun kusai aiso karja natampasi mantad kuminam do kumiros kalapas tumuun mantad tingkat dua linominon Plaza Utama Alamesra, hiti di tadau Kotolu nakatalib.
Boyoon Pulis Watas Kota Kinabalu Asisten Komisioner M Chandra minoboros do ‘suspek’ nopo nga songulun aiso karaja ih kiumur 22 toun.
“Kinantakan jam 11 kosuabon dilo noilaan di tulun togumu ih kiharo id tampat kinantakan soira nokokito ‘suspek’ tumuun mantad tingkat dua linominon dilo.
“Suspek poingkuro poh nga natampasi pogului pinaatod doid Hospital Queen Elizabeth montok pokiubatan potilombus,” ka dau.
Minoboros Chandra do asil pinonoriukan potilombus dilo nokoilo do ‘suspek’ kiharo id koyuon osusa ginawo id suang linimput sewaan dau pogului minaganu laang minoninduol tinan minomoguno pisau pomutul kinotuan.
“Asil pinonguhatan minonoriuk kumaa kapanakon dau ih poingiyon miampai ‘suspek’ minoboros do ‘suspek’ kikotumbayaan do kiharo id koyuon osotol sabap ahal paganakan.
“Au nogi pinosunud di ‘suspek’ o kobolingkangan dau kumaa kapanakon dau om poingkadaada nopo pogului minaganu laang minoninduol tinan dau,” ka disio.
Ka dau. suspek kalaaps dilo minoninsib dila dau pogului tuminuhun mantad tingkat duo lamin sewaan diolo.
Tumanud dau, soira kapanakaon dau minintong munggui kuminam do kumiros, numbalan dau montok manampasi dau tumanud do ponoriukan rakaman CCTV id tampat kinantakan.
Kawagu dau, munggui nakaanu turu ponombiran id ponong dila sabap pinigis minomoguno pisau.
“Nahau do pulis o pisau kininaru 10 insi om kes soriukon tumanud Seksyen 309 Kanun Koinggoritan,” ka dau.