‘Program Rehiring, 3+1 au oputan - Mustafar

PUTRAJAYA: ‘Program Rehiring’ om ‘Program 3+1’ montok modidikot songkosuaian aiso kasagaan (PATI) au potilombuson kalapas timpu koponguhanan nopupusan ontok 31 Dismber diti.

Boyoon Potunud Imigresen Datuk Seri Mustafar Ali minoboros do minaganu laang tapantod dilo kalaaps kopoingatan kumaa PATI om touki tuh au maganu asanang nokomoi kosiwatan di pinatahak maya do goduo-duo abaabayan dilo. “Au tokou mimang koulalahon di odomut toiko magandad gisom timpu koimpupuson ih pokitonon diolo ontok kapamanaan koporijistaran E-Kad di kawawagu do oulit.

“Obuli iyolo momonsoi karaja dilo lobi osikap nga tomodon magandad timpu koimpupuson, nga idsuang ahal ‘Rehiring’ om 3+1 diti, apantod tokou om au monokirunding toiko au lumomi,” ka dau id pitimbungakan abar kalapas tuminindapou do pitimungan oupus kumaraja koupisan dilo hiti koniab.

‘Program Rehiring’ sumuku doid Abaabayan panggajian om Pongiyanan Kawagu PATI ih otorimo om 3+1 nopo nga abaabayan rumikot tumanud kaanangan tinan sondiri papatahak do PATI toiko PATI rumikot sondiri doid bogian monguasa pogului muli doid pogun natadon.

Minoboros ih Mustafar do kiginumu 493,145 PATI nokorijisto noh di 132,805 touki montok ‘Program Rehiring’ mantad podi 15 Feb 2016 gisom songkosodop hinonggo mantad ginumu dilo, 129,000 mantad diolo nakaanu noh idsuang pinangapalaian somporipori.

Minoboros isio do kapamanaan ‘Program 3+1’ nopo nga nokopongintong do 36,102 PATI nuyung luminabus mantad pogun diti toun diti.

Kokomoi ‘Op Mega E-Kad’, minoboros isio do pinapanau karaja ih pinotimpuun kalapas pangapalaian koporijistaran kad naamot dilo nopupusan 31 Jun nakatalib nokopogowit doid pinanahanan kiginumu 8,886 tulun, kopoompit do 8,662 PATI om 224 touki.

Minoboros isio do papanau karaja popogirotkuasa, panahanan om pangadawaan maan papanao miampi potilombus montok papatantu do pokirikotan koinsanai 400,000 gisom 600,000 PATI ih kakaal poingidu otorina di koupisan dilo.

Id ahal dilo, minoboros ih Mustafar do rumuba isio miampai Boyoon Hakim Pogun Tan Sri Md Raus Sharif ontok tadau Koduo tabantalan montok mogiboboros kokomoi pindalanan Kuut PATI, pialatan suai montok popomilo do lobi ogumu pombisaraan pohoroon piagalon insan noh sominggu ih papanaon id ‘depoh’ tahanan ontok diti.

“Ahal dilo mositi onuan pongintongan montok mongilag kasasakan antakan id ‘depoh tahanan’ sumusuut asaasaru papanau karaja om kogumuo PATI ih tinaan baino diti,” ka dau.

Pinoboros nogi disio do nakaanu noh Koupisan Imigresen do kabanaran mantad Koupisan Kotorinaan Tulun Ginumuan (JPA) montok maganu 500 pakakaraja kawawagu di minggu nakatalib montok papawakas kagu do kapamanaan karaja ngawi koupisan dilo id longobon sumuang tagayo pogun.-Bernama