Kusai noduso tuminuun mantad Louting 4
SANDAKAN: Songuhun kusai tuhun songkosuvazan noduso kahapas kikotumbazaan do tuminuun mantad Louting 4 Flat Projik Pomuhaminan Layat (PPR), Taman Mesra, Batu 4, ontok sosodopon tadau Kaapat.
Huguan Pulis Uvang Asisten Komisioner Mohd Azhar Hamin minoboos do id kinantakan jam 2.10 sosodopon dino, munggui kiumul 21 toun minidu pogun sabap notipu tipus.
Ka disido, sontimungan puu pulis suminkap minugad doid tampat kinantakan kahapas nokotoimo luputan kokomoi do kinantakan dino. Songian nokoikot id tampat kinantakan, munggui pinatantu do minidu pogun di puu pongubatan.
“Pinonoizukan nokoiho do munggui vagu po koikot id Sandakan mantad Labuan montok manalasai do kobohingkaangan paganakan miampai savo dau.
“Id jam 11 kosuvabon, munggui pinoboos do tuminuubung savo dau, nga pamahaavan munggui au sinimba di savo dau, om iti natadon munggui kivaa id koozuvon osoto om tumongob om au mimang moboos miampai isai noopo,” ka disido.
Minoboos Azhar do poguhui kinantakan, poingizon poindoos munggui kivaa nokokito munggui minongogos mato dau miampai kain ohisou, om kahapas dino minanangkus om minaganu haang tuminindak mantad ‘kaki lima’ hamin id flat dino nokomoi.
“Pinomolisaan potihombus kumaa tinan munggui nokoiho do kivaa vaza nogonitan id boogizan tipus douvi munggui kikotumbazaan notipu sabap mantad naatu mantad kihinanggou hobi kuang 40 kaki,” ka disido.
Tumanud dau, tinan munggui novit doid Hospital Duchess of Kent Sandakan montok pokizazakan monoizuk.
“Pinonoizukan nogi nokoiho do aiso nunuunu ahal koimaan talaan id kinantakan dino om kes kinomi sabaagi noduso monigovo (SDR),” ka disido.