Puru UMNO kada katanud laang ahal ih tomodon do pimborosonHishammuddin

PASIR MAS: Pokionuon o puru UMNO do au tutumanud miampai laang mogisusuai ahal ih pimboroson di tinan di aiso tonggungan.

Timbang Porosiden UMNO Datuk Seri Hishammuddin Tun Hussein minoboros do ahal ngawi ih pimboroson dilo doti montok popolomi do parti, popiodu ngawi do momuruan om popoimbulai do korosian puru parti kumaa momuruan.

“Tutuduk ku montok puru UMNO kada tutumanud om mogium laang mogisusuai ahal ih pimboroson baino diti sabap ilo wookon doti mantad ‘psywar’ bogian di aiso tonggungan noopo montok popiodu do momuruan tokou om popolomi do momuruan tokou,”ka dau.

, “Nasihat saya pada anggota UMNO jaNoboros disio ahal dilo kuminaa monunurat abar kalapas pinotimpuun do Pitimbungakan Lalansanon UMNO Bogian Rantau Panjang hiti koniab.

Minoboros Hishammuddin do ih kiguno kopio baino diti toinsanan puru UMNO papagaras do parti om potilombuson miampai agenda papatantu do Barisan Nasional (BN) kamanang id pomilian tagayo ginumuan ko-14.

Uhoto kokomoi atag PAS mooi porinta papaharo do Tinan Monorina Diraja montok monoriuk kinantakan Mamali, Hishammuddin ih nogi Montiri Gugumaga om Montiri Karaja ngawi Poimbida, minoboros do atag dilo mositi otopot, okon ko sabap tujuan pulitik om obuli papatangkangawu pogun.

“Nunu noopo atag ih pimboroson baino diti kiolo noh do id koyuon baino montok tumoguang pomilian tagayo ginumuan, kada gisom ounsikou tokou katapi kampung tokou nagadai, kada tokou pangatag nunu noopo katapi au obuli ipopon, babakon tulun ngawi mogisusuai tinaru om agama, ilo toinsanan au kangaam,” ka dau. -Bernama