MINSINGILO BOROS KADAZANDUSUN APASI BOROS, APASI TINARU

TONUDO iti pinibarasan di Rina om di Julius (okon ko tulun om ngaran diolo do otootopot) di wawaagu miampai angkab manampasi boros tinaru sondiri ih idsuang koligaganan opunso abap do au noh gunoon do kogumuan tulun Kadazandusun (KD) timpu baino diti lolobi poh om id pialatan komulakan om tangaanak sikul.

Komolohingan KD ih kisikul takawas (educated KD parents) nogi nga ogumu ih au koilo toi ko au kosiwat momoguno boros tinaru sondiri do monokiboros kumaa tanak om tambalut mulong pia osompipi tulun KD songintimung. Poingkuro miloh musui tanak nung komolohingan nogi nga au momoguno boros tinaru? Id ahal pibarasan, agaras oh boros KD do gunoon id pitimbungakan, pibarasan, ponusuian, pitimungan, podsindingan om ponudukan. Nga nokuro mah tu au oh tulun KD arahi momoguno boros sondiri om uhang do momjoguno boros tinaru suwai do mogituturubung, mogiboboros, sumambayang, modsinsing om moginakan? Kobosugan om koikuman do tulun KD nung au kosimbar pomohingi dilo

tulun suwai ih osidian om oimayaan kopiyo nokuro tulun KD tu au momoguno boros tinaru sondiri. Kounsikaan do narahi mambasa.

Rina: Nunu pisuwaian do Bollywood om Hollywood ? What is the difference between Bollywood and Hollywood ? Julius: Aiso guno tokou koilo pisuwaian toi ko piiradan rati ngaran dilo. There is no benefit for us to know the differences or similarities of meaning for those names. Rina: Nokuro tu au? Why not? Julius: Tolono tokou dula kokito tulun India , Melayu om Sina mingayak, modsinding, moboros toi ko mokirayou id tv sabap aiso tulun tokou intangan hiri. Let us swallow our saliva for beholding the Indians, Malays and Chinese acting, singing, talking or seeking popularity on television. None of our people can we watch there. Rina: Nunu komoyon nu miagal dino? What do you mean by that? Julius: Kada miagal au singkoilo. Okon toi ko tongoondu poingalib arahi mintong wayang Hindi? Do not pretend not to know. Are not ladies more fond of watching Hindi movies? Rina: Nunu kosodingan nu dagai mintong dilo? What do you dislike us for watching those? Julius: Okon ko osoding oku nga koimamang sinakagon tulun KD tu aiso iiso po nayakan KD pokitonon om intangan id tv? I don’t dislike but I sympathize for our generation who till now have not a single KD programme to be watched on television. Rina: Isai tandasan nu? Who do you blame? Julius: Toinsanan tulun tokou kampai oku nogi dogo. All of our people including myself. Rina: Okon. Kada tokou monondos tinan sondiri. Yoku poi h au nu apatut tandasan. No. Do not blame ourselves. I am the only one that you should not blame. Julius: Nunu minangan nu gisom do au ko miloh atandasan? What have you done that deserves you non-blamable? Rina: Okon toi ko nokopiakun kito monuridong do iso studio podsindingan om pingayakan montok tulun tokou? Haven’t we agreed to establish a studio for singing and theatre activities for KDM? Julius: Di soira kito di? When did we? Rina: Kada pogolim. Do not deny. Julius: Aiso tusin kito togumu potimpuun palan dino. We do not have a better sum of money to initiate the project. Rina: Haro ralan kito maganu nunu ih kouhangan kito. We have ways to achieve what we want. Julius: Nunu nopo nga oruhai oboros nga apagon do owonsoi. Things are easier said than done. Rina: Otopot nga nung otumbayaan kito, miloh kito momonsoi nunu nopo. True but if we believe, we can do anything. Julius: Apagon bo. It is difficult. Rina: Kada do oruhai ababasan.Boros ka tulun topurak: “Whatever the human mind can conceive and believe, it can achieve,” ka bo. Do not give up so easily. English people say “Nunu nopo ih miloh kosuang om kotumbayaan id tutok tulun, miloh dau aanu.” Julius: Poingalib atarom tutok tulun topurak ko mantad tutok tokou. English people’s minds are more intelligent than ours. Rina: Isai knoilaan nu? Au oku kaakun. Koinsanai tutok tulun atarom. Who told you so? I don’t agree. All human minds are intelligent. Julius: Nosorou ku noopo. I only think so. Rina: Somoonu au kotunud pomusarahan tokou. Sometimes our generalization is false. Julius: Nga intangai noh mah, tulun topurak oh gulu minomonsoi tinjin kurita om kapal tulud. Nunu daton do nowonsoi? Look at the English people, they were the first to invent car engines and aircrafts. What have our own people invented? Rina: Aiso po nga insan tadau haro tulun tokou korikot id wulan. Nothing but one day we will have our people go to the moon. Julius: Ouruan kopiyo ino pokimamaan. Nga alansan oku ih daa. That is too ambitious. But I would hope so. Rina: Pounsikou kaakun ko dogo. Aiso au abayaan montok tulun di otumbayan. Thanks that you agree with me. Nothing is impossible for those who believe. Julius: Otopot ih miagal di sabap haro poinsurat id buuk do nabasa ku. Pounsikou ku nogi kumaa dika. That is true because that is what I have read from a book. I thank you too. Rina: Miagal nopo. You are welcome.