JPBW pinotimpuun Palan Totopot 2016-2020
# Sumiliu monorina mamalan kotundaan kakadaian om kampung
KOTA KINABALU: Koupisan Mamalan kakadaian om Watas (JPBW) Sabah koniab pinotimpuun do Palan Totopot 2016-2020 (JPBW 2016-2020) montok poposiliu do agensi pogun dilo sabaagi monorina idsuang pamalanan kakadaian om kampung di oulud, lobi osonong om awakas id pointongkop Sabah. untuk menjadikan agensi negeri itu sebagai peneraju dalam perancangan bandar dan desa yang teratur, progresif dan mapan di seluruh Sabah.
Palan totopot/otulid dino nokomoi kopoompit doid kapawakasan monorina tosonong kopio, popoingkawas do kapangasilan kararalanon kapanahakan kotorinaan, papawakas do koubasanan kotopotan om papawakas do ponorinaan kotos tulun.
Abaabayan pinoimaganan Palan Totopot JPBW 2016-2020 dilo pinotimpuun di Montiri Koporintaan Kinoiyonon om Pomulaminan Sabah Datuk Seri Hajiji Noor.Nokotindapou nogi ih Potunud JPBW Mursidi Sapie om Luyar Tagayo Pogun Zaleha Rose Pandin.
Hajiji id suang pason dau kikalansanan miampai haro nopo Palan Totopot JPBW 2016-2020 diti, tinimungan pakakaraja JPBW kaanu monorimo dino om papanau karaja miampai noponu kapamagatangan, haro kotopotan ginawo om kitonggungan.
Ka disio palan dino nokomoi pinaharo katanud Palan Totopot Kabansaan (PIN) ih pinotimpuun id toun 2004 sabaagi wookon mantad laang porinta montok popoingkawas do kotopotan om kopongubasanan gatang tolidas kumaa toinsanan rayat om kotinanan di pinoturidong.
“Koubasanan karaja dilo sondiri mokianu kopongubasanan haro kotopotan ih kopoompit do mogisusuai ahal, pialatan dilo kotopotan idsuang kapatatapan timpu kumaraja, kotopotan montok manahak do kopoilaan om kiguno kopio kotopotan montok manahak do kotorinaan di tosonong kopio,” ka disio.
Kinomi nogi di Hajiji o Palan Totopot JPBW om PIN sabaagi impoon togirot rumulud oid kopoguhanan om kopodimpotan Transformasi Nasional 2050 (TN50) ih pinomusarahan di Luguan Montiri Datuk Seri Najib Tun Razak.
Ka dau rontob koburuon toiso-iso pogun au obuli tukuon maya ‘indikator ekonomi’ om katabaian monokialit noopo katapi nogi mantad kawo ahal ‘integriti’ om ‘moral’ ih nasanganu tinan ngawi dilo.
Id abaabayan dilo, pinapatahak nogi Hajiji do tingadan karaja tosonong kuminaa 18 pakakaraja JPBW.