Panagih dadah minonutud tohu kulita, motosikal tinaan pulis

PAPAR: Songuhun kusai ih masaon momuondom dadah tinaan sontimungan pulis kahapas minaganu haang minonutud tohu kulita om iso motosikal idsuang timpu apat tadau misusuut, doiti.

Huguan Pulis Uvang Papar Deputi Superintendan Ladamah Sulaiman minoboos do suspek kiumul 25 toun tinaan id iso hamin aiso numbul ontok 25 September nakatahib.

“Asil pinonoizukan timpuuni nokoiho do idsuang timpu 21 gisom 24 September suspek pinoposuvang do tumau petrol do id suang plastik poguhui pinapataam bakaang dino id boogizan padsakazan ih pinoopi id poundoongan tuhun ginumuan.

“Suspek kahapas dino minogidu kahapas minonoodo do ahal talaat dino,” ka disido id pitimbungakan abal id Hongkod Upis Pulis Uvang (IPD) Papar.

Kavagu disido, haang suspek dino nogi natadon do kinolugian soginumu RM56,000.

Minoboos isido, haang suspek dino nokomoi natadon do kulita kavo Perodua Kancil, Proton Saga FLX, Iswara om iso motosikal kavo Modenas notutudan id tampat kinantakan.

“Minaganu haang mantad kopoihaan di notoimo, sontimungan pulis minonoodo kalaja mogium suspek poguhui nokito id iso hamin aiso numbul poindoos kakadazan Papar kiikila jam 8 dongotuvong ontok 25 September nakatahib.

“Na’au nogi pulis iso motosikal kavo Yamaha LC sanganu suspek ih ginuno ontok kinantakan,” ka disido.

Kes soizukon tumanud Seksyen 435 Kanun Koundosoan.

LAMADAH pinopokito do motosikal sanganu suspek ih na’au pulis ontok pinanahanan suspek.

Okitonan puu bomba minggisom momisok tapui kulita ih notutudan sabap haang suspek.