Hamin sapalu kotimpoon nopunso id kinotutudan
TAWAU: Iso hamin sapalu kotimpoon om iso husap nopunso id kinotutudan id Kg Pukat, Lahan Tanjung Batu Laut doiti, kiikila jam 2 sosodopon koniab.
Tumanud do pinikunsian kopoihaan Koupisan Bomba om Mongumohig Malaysia (JBPM) Sabah, pamahaavan kaagaban dino notoimo id jam 2.05 sosodopon.
Soginumu 13 upisol om puu Tinimungan Bomba mantad Balai Bomba om Manampasi Tawau sinuu suminikap mugad doid tampat kinantakan miampai duvo injin, iso lori tangki om EMRS.
Kinotutudan nakaanu minanamong id jam 2.25 sosodopon poguhui kalaja pinomisokan dino nokomoi binuu’an di Huguan Operasi Kasdi Latimin pinotood id jam 3.17 sosodopon.
Aiso nunuunu kopoihaan potihombus kokomoi ginumu tototopot munggui nokoompit, nga kinoihaan do aiso nunuunu kinosinduahan pinoluput id suang kinantakan dino.
Panakadai Montili Kotundaan Kotos om Teknologi Kopoihaan Datuk Hamisa Samat ih ponogi ADUN Tanjung Batu nogi nga kikosianan miampai munggui.
“Manaak tokou sakadai kumaa munggui, miaga nogi Konsol Kakadazan Tawau (MPT) maza Tabung Kaantakan Talaat Kinoizonon om Koupisan Kotundunan Layat,” ka disido.
Monokotohuod nogi isido doid bomba om mogiigizon kampung sabap osikap minomisok tapui mantad kotihombus kalalad gisom kontodonon do kopunsoan hobi agazo.
“Asaasau songian kes kinotutudan miaga diti nantakan, asaasau tokou koongou tuhun kampung popoluput kivaa kobohingkaangan aiso toi okuangan kounahan pili bomba.
“Suntu dino, id kinantakan diti kivaa iso no pili bomba ih pinosodia toi hanag tavasi mogiigizon kampung sondii,” ka disido.
Otumbazaan isido do obuli bomba maganu haang kikosudongan kaamung mongiho pivohitan di ‘fleksibel’
Tapui ih minomunso do iso hamin Jalan Tanjung Batu Laut.
id toiso-iso pongizonan montok koposodiaan kounahan pili bomba.
Kikahansanan zi Hamisa do tuhun togumu tu poposodia do kakamot pomisok tapui id daamin sanda-daau montok papatantu do haang tosikap momunso tapui kaanu maganu.