Bogian LTT noliudan

TAWAU: Bogian Tutubpoon Kapal Tumulud Tawau (LTT) noliudan koniab, kikira jam 12.45 tangadau gisom jam 3 sosodopon, nga aiso timpu kopotuludan di nakasou.

Pinoilo o Utusan Borneo do liud dilo nopo nga kinantakan koiso ih nokoumbal nantakan id bogian dilo mantad podi LTT pinapanau kotorinaan.

Kinantakan pinoboros do kinontodonon sabap kinorulunan bakaang rinomos di nantakan ontok ruminasam asapou, gisom minonutub liwang ralan parit om natadon do nosonsog pogului luminabai waig.

Poingkuro poh nga, kinantakan dilo nakaanu minanalasai asil laang pinonugutan mantad pakakaraja LTT minomorisi do kopoluyungan parit ih nosonsong sabap asil kinorulunan bakaang rinomos di nantakan.

Rontob waig poingkakawas nantakan kiikira jam 1.20 sosodopon om tuminimpuun suminonod kiikira 20 minit kalapas pogului nokosonod poimponu id jam 3 sosodopon.

Boyoon Pulis Watas Tawau ACP Fadil Marsus ih rinomut minoboros do kapadtamangan ralan ngawi mantad Pulis Trafik id bogian LTT nakapanau miagal koubasanan.

“Toririmo tokou nogi sumodia montok popoiyon do tinimungan pakaraja ih pokigunoon sokiro ko antakan nunu noopo kaantakan taraat kinoiyonon,” ka dau.

Padsakazan Perodua Alza noindamaan noumbak id kohigaganan dii.

Noliudan id bogian LTT diti pinoboros do kumoinsan nogi nantakan om natadon mantad kinorulunon bakaang ngawi ih nokoponutub kopoluyungan waig parit id bogian dilo.