APK manaak kabaahan papanau poingondopuan

Di HENRY BATING LABUAN: Maza do pongiinabasan APK (Asas Pembudayaan Keusahawanan), agazo kahansanan do kaanu oh susumikul ngavi monoguvang kalaja pongindopuan songian opongo sikul.

“Nouhud oh ponginabasan APK montok manaak toihaan om kabaahan kumaa susumikul monoina pongindopuan sabaagi do iso kalaja,” ka di Dr Romzi Ationg ontok pinopotimppuun do abaabazan diho doiti di Tadau Kaapat.

Ponginabasan APK nopo nga iso koos toinaon doid Pusat Penataran Ilmu dan Bahasa (PPIB) Universiti Malaysia Sabah (UMS) kumaa toinsanan susumikul pangaan degree.

Pongiinabasan iso semester nopo diho nga pupusan miampai do iso dagang ekspo doid nombo susumikul pokionuon monoodo tinimungan montok papanau dagang.

Doid koibokon papanau dagang, oinsanan tinimungan pokionuon monoodo kalatas kalaja, kopohobusan usin pukuon, papanau nunu nopo dagang miampai mongintob songkuo kinountungon toi ko kinolugian do dagang dioho.

Sabaagi do abaabazan pongiinabasan, oinsanan kalaja dagang do susumikul diho nopo nga kotoimo gred kahantazan.

Poingampai nogi potindapou do ontok diho ih panakadai polijistol PPIB Labuan, Haji Taufik om nogi mongingia koos diho ih Shamsul Bahri.