CDER palaabon id Sabah

# Laang APM montok manahak ponulungan timpu kaantakan di au osonong

TAWAU: Tinimungan Gugumaga Tulun Ginumuan Malaysia (APM) papaharo do Tinimungan Maganu Laang Tosikap Kaantakan Taraat (CDER) ih kumoiso id pogun diti idsuang timpu tosomok.

Boyoon Pesuruhjaya APM Mej. Jen.

(B) Dato’ Azmy Yahya minoboros do gisom baino diti nokoponuridong noh CDER id piipiro tinan pogun om Sabah nopo nga sumusuhut.

“Monuridong tokou do CDER id bogian watas om komuniti kopoompit diolo ih kapaganu pingludaan mantad

APM montok maganu laang tosikap monorina kaantakan taraat.

“Alanan tokodo kopoindalanan diti osikap papanaon id Sabah maya do palantikan upisor watas sabaagi ponorikohon CDER om boyoon ngawi komuniti ih ponogi boyoon tinimungan.

“Kopoinsomokan diti papanaon kangaam miampai kopokionuon Montiri

Id Koupisan Luguan Montiri Datuk Seri Shahidan Kassim mooi do koponuridong CDER id Sabah.

Poingkuro poh nga, gisom baino diti

APM kakaal momonsoi koputusan kokomoi watas ih kumoiso osiliu do perintis kumaa koponuridongan CDER id Sabah.

Azmu ontok romuto do monunurat abar kalapas pinotimpuun do Abaabayan Koponutuban Kursus Sumiliu Upisor om Mongingia Monorina Kadet APM Zon Tenggara Sabah 2017 hiti, koniab.

Kopinamot abaabayan dilo, tingot gugumaga tulun ginumuan onuan tingadan kumaa puru ngawi ATM kaamung noh Panakadai Pesuruhjaya Bersekutu (Gugumaga Tulun Ginumuan) Datuk Kour Nam Ngum.

Minongomi potilombus, ounsikou isio miampai kinangaian tosonong APM mantad podi soosomok duwo toun pinapanau do tonggungan sabaagi ‘Sekretariat Jawatankuasa Pengurusan Bencana’.

“Masaon tokou nogi sumodia montok tumoguang ponokialitan ‘monsun timur’ daat ih rumikot, doulu noh mantad kawo kopuruan, pingludaan om harata ngawi ih haro,” ka dau.

Tumanud dau, APM kiharo kopoilaan nogonop kokomoi watas di kopotongob om kikobolingkangan takawas ongoliudan tumanud do kopoilaan ngawi Koupisan Meteorologi Malaysia.

Kokomoi ahal kikompitan, minoboros isio do minggisom nogi APM momoruhang do kopuruan diolo montok momodimpot pokirikotan 3 riong ontok 2018 piagalon 1.6 riong puru gisom baino diti.

Minaganu nogi kosiwatan ih Azmy pinotimpuun do ‘mural’ id linominon ih pinoburu di Tinimungan Tinan Gugumaga Tulun Ginumuan (PISPA) Kolej Komuniti Tawau. Gambar wanan, Azmy pinapatahak do pamagatangan kumaa Upisor APM Tawau Hussain Mohd Noor.

AZMY pinopointarang do CDER ih pohoroon idsuang timpu tosomok id Sabah. Okitonan nogi ih Adun Sebatik Datuk Abd Muis Picho (wanan).