Pangapalaian kawawagu om koponguludan BR1M 2018 ukabon tumimpuun tadau Koiso

KUALA LUMPUR: Mangapalai om mongulud kawagu kopoilaan Sakadai Rayat 1Malaysia (BR1M) 2018 maan ukabo tumimpuun tadau Koiso gisom 31 Disember diti.

Komontirian Kousinan id suang iso kopoilaan koniab, minoboros do pangapalaian om mongulud kawagu kopoilaan dilo obuli wonsoyon miampai ‘manual’ toiko maya kopoluyungan ‘portal’ poimbida BR1M id https://ebr1m.hasil. gov.my.

Montok pangapalaian miampai ‘manual’ obuli maganu foom miampai aiso kabarai id nonggo-nonggo raan Asil Suang Pogun (LHDN) om Longkod Transformasi Kakadaian LHDN.

“Obuli nogi mangapalai ngawi poposuang foom pangapalaian id ‘portal’ poimbida BR1M id https://ebr1m.hasil.gov.my,” katanya.

Minnoboros komontirian dilo do pasangan kumaa ponorimo BR1M di toun nakatalib ih minidu pogun om mangapalai ih au nakaanu toiko au notorimo id pinangapalaian di toun nakatalib mositi momonsoi pangapalaian kawawagu montok BR1M 2018.

Montok ponorimo posodia haro, mositi momonsoi koponguludan sokiro ko kiharo nuununu kinosimbanan kopoilaan tinan toiko sokurang-kurang do insan idsuang timpu tolu toun.

Minomisunud nogi komontirian dilo do au insan porinta pinapalabus do nuununu kopoilaan kokomoi BR1M maya kopomogunaan Whatsapp om media sosial ih suai.

“Kopoilaan ih totopot bulun noh oilaan maya do kopoilaan BR1M 2018 ih pinotikid kumaa toinsanan ponorimo BR1M om nogi maya laid sesawang https://ebr1M.hasil. gov.my.

“Alansan porinta do pambaraian BR1M 2018 kaanu monulung papagaan do balanja kopoposion rayat,” tumanud komontirian dilo.

Ka dau iyolo ih haro nunuunu ponguhatan obuli rumomut koluyungan osimbayan tol 1-800-88-2716 toiko emel kumaa br1m@ treasury.gov.my.-Bernama