Laang manalasai ‘epidemik’ HIV/AIDS momoguno pisokodungan toinsanan
SANDAKAN: Puru Lamin Koundangan Pogun (ADUN) Elopura Datuk Au Kam Wahminoboros do pisokodungan mantad toinsanan tinan kiguno kopio montok tumoguang do ponokialitan ‘epuidemik’ HIV/AIDS.
Ka dau, ilo kaamung noh montok umampai do kaparagatan pomunsaan HIV/AIDS, koompit montok popoburu ‘intervensi’ ponimbanan koulalahon om papaharo do pomorisaan HIV id ‘fasiliti’ kolidasan sabap kopongilaan tosikap obuli mongilag mantad oduso.
Kaparagatan balajaran kikompitan olorihan HIV om STI kumaa tinimungan komulakan kiguno kopio om ilo osiliu tonggungan molohing idsuang puru kapaganakan montok manahak koponuntudukan tosikap kumaa tanak ngawi pogului kaampai doid kobolingkangan sosial.
“Okon iso karaja asanang montok manalasai ‘epidemik’ AIDS. Nga otumbayaan oku, miampai komitmen om pisokodungan mantad toinsanan tinan, iman-imanon diti obuli osiliu kotopotan,” ka dau ontok Tadau AIDS Sompomogunan 2017 id Pasar Malam Kim Fung hiti di tadau Koonom. Teks pason dau binasa di PPM Elopura Chan Tzun Hei.
Nokotindapou nogi id abaabayan dilo Ponorikohon SAGA Dr Zaiton Yahaya, Boyoon AADK Watas Sandakan Aishah Abdul Karim om Upisor Monorina Politeknik Hazizul Abdul Hamid.
Montok rikud, montok timpu 1986 gisom 2016, kiginumu 110,000 kes pinoruput. Mantad ginumu dilo, 22,000 nakakandai AIDS om 18,000 minidu pogun sabap toruol dilo.
Nolorihan kawawagu HIV/AIDS baino diti ogumu kopoompit do tinimungan tomulok kiumur bindurugan 18-40 toun. Tondu nogi nopo nga ‘vulnerable group’ hinonggo kogumuan diolo obuli olorihan mantad pasangan.
Tadau AIDS Sompomogunan ontok 1 Disember montok popogirot do kopurimanan kokomoi toruol AIDS ih natadon mantad norolihan HIV om laang tosonong tinan okon porinta montok monulung porinta montok momunso om mongipop kotongkop toruol dilo sokodungon kopio.
SAGA (Koisaan Sokodung Aids Sandakan) ih ponogi panganjur pinapanau
PURU om ‘sukarelawan’ SAGA ih pinapalantoi do abaabayan dilo.
do mogisusuai abaabayan mantad podi minggu nakatalib tuminimpuun 23 gisom 25 November.
Pialatan dilo, Timpu Ice-Breaking om Pikunsian songowian tulun HIV/AIDS songowian pakakaraja IJM om susumikul Politeknik, Pirubaan montok Popogirot do Abaabayan TAPS (Pongubatan) om ‘Giant Race’.
Nakaharo nogi pinangawaladan riben aragang id Kakadaian Kim Fung om Heng Loong, pinonimungan 200 tanda tunturu om pinotikidan kopoilaan kokomoi HIV/AIDS.