Momoguno ‘teknologi nano’
# Popoingkawas konuonuan mongindapu paa tantadan
TUARAN: Momiara ngawi paa tantadan pokionuon minsingubas momoguno do ‘teknologi nano’ montok popoingkawas do asil pangalabusan paa tantadan.
Montiri Sains, Teknologi om Inovasi (MOSTI) Datuk Seri Wilfred Madius Tangau minoboros do miampai kopomogunaan teknologi dilo, momiara obuli popoingkawas do pangalabusan kiginumu 20 paratus.
“Otopot kopio koubasanan teknologi om inovasi kaanu popoingkawas do konuonuan rayat, om nogi popoburu do kosunion konuonuan pogun.
Iti noh tonggungan MOSTI sabaagi laang paparayat do teknologi om inovasi tuh kaanu rayat montok koburu kotopong koingkokoton koburuon pogun,” ka disio kuminaa monunurat abar kalapas pinotimpuun do Abaabayan Kotundaan Mongingindapu Komulakan Agro id suang kopongindapuan paa tantadan momoguno do teknologi id Tamparuli doros hiti konihab.
Alansan kopio nogi ih Madius tuh uminampai kursus dilo kaanu paparayat do toilalaan di naanu kumaa tulun togumu, doulu noh tinimungan komulakan, sabaagi laang montok paparayat do kopomogunaan teknologi dilo montok popoingkawas do konuonuan.
Namot dilo, Boyoon Upisor Eksekutif NanoMalaysia Bhd Dr Rezal Khairi Ahmad minoboros do kursus dilo pinanjur miampai pinisokodungan Enactus Universiti Winakas Nasional
Madius (tanga) mongintong koumatan pomutayaman Paa Tantadan kalapas pinotimpuun do abaabayan dilo.
om Tinan Ponoriukan om Koburuon Pomutanaman Malaysia (MARDI) kigaab monulung mogigion songkoiyonon idsuang ‘teori’ om pingludaan ‘amali’ pomutayaman paa miampai kopomogunaan kopowongkosan nano.
“Teknologi (kopowongkosan nano) ih pinointutun mantad Nano Malaysia kaanu popoingkawas do pangalabusan paa tantadan miampai magantob kosunion ‘bakteria’ om giuk,” ka dau.
Tumanud dau, kopowongkosan nano nopo nga lapisan onipis ih winongkos id sawat kotak moningot ih maganu laang sabagai mangantob kosunion ‘mikrob’ toiko ‘bakteria’.
Pinatarang disio do ralan irad dilo popomilo do mongingot/tantadan papahasil do lobi ogumu paa (madu kelulut) miampai au tumingaa doid laang sumaap panangadan ‘bakteria’. -Bernama