Saavi-avi tinan mositi manakadai mongipop kes denggi: Bashir
LABUAN: Kes denggi id pulou diti ih nokoingkavas kozo kopotongob piagahon id boogizan kabansaan ih samakin minsiibo.
Puu Hamin Pogun Senator Datuk Haji Bashir Haji Alias minoboos, montok timpu Januari gisom November toun diti, Labuan nokopolikud do soginumu 86 kes piagahon 14 kes id timpu ih iso’i montok 2016, iho nopo nga kinoingkavasan soginumu 72 kes toi 514 piatus.
“Kinantakan diti kopotongob kozo dotokou toinsanan sabap nokopokito do kinoingkavasan di okito kozo,” ka disido.
Noboos disido ahal dino ontok minanaak bobooson pinotimpuun do Abaabazan Mitatabang Tagazo Misompuu Manangod Aedes nazatan Tana Pisompuuvan Labuan id Taman Pomuhaminan Hamin Omuula, Rancha-Rancha, Kampung Batu Arang.
Nokotindapou nogi id abaabazan dino nga Normi Kamarulzaman ih huminansan Potunud Koupisan Kohidasan Pogun Dr Ismuni Bohari, Mohoingon Kampung Batu Arang Haji Mazlan Mohd Din, Monunuat Tinan Hahansanon Mogigizon (MPP) Subzon Dua Lim Kwai Lan om Poniikon
Bashir pinoposuvang sampa id tong sampa mikuo intongan di Normi (duvo mantad gibang) om Mazlan (tohu vanan) sabaagi tanda pinotimpuun do pinitabangan dii.
Combi Tana Pisompuuvan Labuan Mohammad Haji Jacob.
Ingkuo po nga, Bashir ih nogi poniikon Tinan Mononontuduk Kotinanan Labuan minamahazou haang tosikap Koupisan Kohidasan Labuan ih minaganu haang manaak kopiumanan om pinopoingkavas do gontob piunungan mogiigizon ngavi kokomoi kohigogon denggi.
Ka disido, abaabazan dino nokomoi nopo nga abaabayan ih kaanu manaak vaza doid mogiigizon ih okon noopo maganu haang momunso do tiizonon pomogontohuan togonok Aedes nga kaanu nogi monoodo ‘persepsi’ mogiigizon do kalaja mongipop denggi nopo nga tonggungan dioho om mositi todoon miampai totootopot.
“Toluod denggi kohigogon kozo ih gisom baino aiso usap dino om iho obuli mongoduso id okiopan mato noopo,” ka disido.
Kavagu dau, haang panamangan kivaza mozo nga miampai momunso tiizonon ouhung vaig miaga tin kosong, tayal noumbak, kopomunsoan sampa miampai ouhud om iho nogi nopo nga usap tavasi kozo montok pomunsoan toluod denggi.
Mitatabang ih nampazat hobi 100 tuhun kopoompit do puu susumangod, Tinimungan Gugumaga Tuhun Ginumuan Malaysia (APM), Koupisan Bomba om Mongumohig (JBPM) om mogiigizon songkoizonon.
Kivaa nogi pokitonan kokomoi Kospen, Combi om kahasaan momoguno dadah mantad Agensi Anti Dadah Kabansaan (AADK).