Ponuu’an kumuung pinotihombus gisom Januari 2018
KOTA KINABALU: Ponuu’an kumuung id boogizan kavaigan tuu uvang poinsuvang Zon Oumohig Kohisa’on Sabah (Esszone) ih nopupusan jam 6 sosodopon diti (koniab) potihombuson gisom 1 Januari dumonto, ka di Pesuruhjaya Polis Sabah Datuk Ramli Din
Minoboos isido miampai kopotihombusan dino, izioho ih poingizon id boogizan dino nokomoi pokionuon kivaa id suang hamin om au pakavasaon sumuvang do boogizan kavaigan dino piahatan jam 6 sosodopon poompus timpu dino nokomoi.
“Tuhun suvai au pakavasaon sumuvang toi kivaa id boogizan di pinatantu piahatan jam 6 kosuvabon gisom jam 6 kosuvabon ontok tadau di pinoboos,” ka disido id kopoihaan doiti, koniab.
Minoboos isido ponuu’an kumuung dino kapaamung do boogizan kavaigan uvang Tawau, Semporna, Kunak, Lahad Datu, Kinabatangan, Sandakan om Beluran.
Tumanud dau, ponuu’an kumuung dino pinotihombus montok papatantu do boogizan kavaigan dino nokomoi sinuvang di tuhun talaat ih mongundoonok koumohigan mononoizuk sompomogunan ih papanau do ponoizukan om tutumombuhui songkosuvazan ih tuminombuhui pulou ngavi podtuongisan.
Minoboos Ramli tumanud do kopoihaan, tinimungan militan Abu Sayyaf om izioho ih papanau do kapaagatan manazang montok kapagnu do usin pokihapusan mantad kaabatan Filipina kakaal kuminam sumuvang montok monoodo do panazangan om koimaan talaat maza pivohitan.
Ka disido ponuu’an kumuung dino nogi montok paapsanang do kopogiotonkuasa om pongintongan nokomoi kapapanaan bot om kopongimbuhai do tivou oumohig om kotumbozo doid mongindapu ‘chalet’ om monginsada miampai koikotan kapal puu koumohigan id posoihi boogizan dioho.
“Manaak zou nogi kuasa doid saavi-avi huguan pulis id uvang Esszone montok papahabus do poomit doid mangapalai ih otoimo montok tuduvan kapaagatan ponginsadaan toi kivaa kogunoon koposonsog
(gambal).