‘Media sosial’ kakamot kiguno
# Papatantu do kamanangan ontok PRU14
KOTA KINABALU: ‘Media sosial’ nosiliu kakamot (elemen) kiguo montok papatantu do kamanangan Barisan Nasional (BN) id Pomilian Tagayo Ginumuan Ko-14 (PRU14).
Kumoduo Luguan Montiri Datuk Seri Dr Ahmad Zahid Hamidi minoboros do au olimon do BN toiko Umno oruhai noh naala ontok PRU12 om PRU13 natadon do au nakanu minomoguno do kolobian ‘media sosial’.
“Ontok timpu dilo, bogian gugumaga mongundoronok dokotou miampai mogisusuai pongindaraatan nga au tokou nakaanu montok guminaga tinan.
“Kabar au otopot karayat miampai osikap gisom tulun togumu haro tiwou taraat kumaa porinta.
“Nga baino nokotungag tokou kawagu om songodon toiko sulian tokou kawagu pongindaraatan gugumaga miamai kopoilaan ngawi kinalantaian maya do ‘media sosial’,” ka dau ontok pinotimpuun do Abaabayan Pinonimpuunan Konvensyen Media Sosial Umno Sabah, hiti konihab.
Minoboros isio do bogian gugumaga pogului diti nakapaatod noh ‘cybertrooper’ diolo doid labus pogun montok kapaganu do pingludaan montok ‘manangod’ porinta momoguno do ‘media sosial’.
Ka dau, ontok timpu dilo, okito do rayat o porinta miagal ko momonsoi koimaan taraat sabap mantad pongindaraatan ngawi ih pinarayat do bogian gugumaga.
“Baino diti, mositi songodon tokou o pomusarahan (persepsi) taraat dilo ontok PRU14 tiinu, au tokou obuli poingkadaada noopo om manangkis toinsanan pongindaraatan idsuang ‘media sosial’.
“Mositi ngi do miingat-ingat tokou miampai laang bogian gugumaga ih manangod dotokou id timpu ngawi kolimpupuson noh sabaagi suntu dilo pogului paparayat iyolo do kabar au otopot ontok popoindalan mongintob undi masaon papanaon,” ka dau.
Tumanud dau, Injin BN Sabah nosiliu papatantu doid kamanangan ontok PRU14 om kada pologoso bogian gugumaga popolomi do parti diti.
“Gunoo noh m
‘media sosial’ miampai tososonong ontok PRU14 montok kapaganu do pongundi kawawagu om tomulok sabap 92 paratus komulakan kiumur 18 gisom 29 toun id pogun diti aparagat momoguno do media sosial,” ka dau.
Nokotindapou nogi id abaabayan dilo Boyoon Montiri Tan Sri Musa Haji Aman, Ponorikohon Biro IT om Media Sosial Malaysia Datuk Ahmad Maslan, Montiri id Koupisan Luguan Montiri Datuk Seri Abdul Rahman Dahlan om montiri Kabinet ih suai.