Pulis Sabah minamagahau sigup, tiinumon kaauk, bodilan kigatang kiikira RM700,000

KOTA KINABALU: Polis Sabah minanaan vahu tuhun om minamaga’au mogisusuvai kavo tiinumon kaavuk, sigup, bodilan om soginumu usin tunui ih koinsasanai dino kigatang kiikila RM700,000 id pinonugkuan id iso hamin kadai id Penampang, doos doiti di tadau Minggu nakatahib.

Kumoduvo Pesuruhjaya Polis Sabah Datuk Razarudin Husain @ Abd Rasid minoboos do koinsasanai dosido nopo nga songuhun tondu om tuu kusai kiumul piahatan 24 om 46 toun tinaan id premis dino nokomoi kiikila jam 4.40 sosodopon.

Poguhui sinugkuan, boogizan Hongkod Upis Pulis Uvang (IPD) Penampang nakapanau no pongintongan doid premis dino nokomoi sohinaid duvo minggu om premis dino kikotumbazaan ginuno montok stor ‘transit’ balangan tohosok mantad podi sontoun nakatahib.

“Piahatan ih nakaanu minamaga’au nga 934 kotak tiinumon kaavuk (tin) mogisusuvai kavo, 13 kotak tiinumon tokodou (butul) mogisusuvai kavo, 717 kotak sigup mogisusuvai kavo, 124 kotak bodilan mogisusuvai kavo om usin tunui RM66,271,” ka disido doid monunuat abal doiti koniab.

Minoboos isido do boogizan dau mokianu sakadai kasitum montok mongihio ginumu sukai ih nokoompit idsuang kes dino om kes soizukon id siibo Seksyen 135 (1) (d) Akta Kastam 1967 om Seksyen 8 Akta Bakaang Pongobusan 1967.

Namot dio, id iso kes misusuvai, songuhun suspek mamabak hamin kiumul 31 toun nosinduahan binadi ontok kumininam minanangod puu pulis id iso kinantakan id Kampung Lokub Sepanggar, songkosodop.

Minoboos Razarudin do id kinantakan kiikila jam 2 minsusuvab dino, suspek dino nokomoi songovian tohu vagu suspek kikotumbazaan kuminam monoodo kapaagatan mamabak hamin id boogizan dino nokomoi nga noihaan do pulis.

“Ontok kinantakan dino nantakan ginusa do pulis o tuhun talaat dino poguhui kulita sinakazon suspek nakatangkid. Tohu suspek suvai nakaanu minogidu nga songuhun mantad dioho kunininam minanangod puu pulis miampai dango, poguhui nosinduahan binadi id boogizan takod,” ka disido.

Minoboos isido asil pinonoizukan potihombus, nakapaan pulis do songuhun vagu suspek id boogizan Inanam kiikila jam 12.30 tanga sodop koniab om baino duvo vagu suspek kakaal ihumon pulis.

“Suspek ih nosinduahan binadi bain o id koozuvon ‘stabil’ om tinaan sohinaid tuu tadau gisom 11 Februari diti,” ka disido. -Bernama