Yoku om tambalut minongoi id Krabi, Thailand
ONTOK koundarangan semester di nakatalib, minongoi oku om tambalut ku i Chu Ying id Krabi, Thailand. Monombului iyahai id Phi Phi Island, Viking Cave, Emerald Pool om Railay Beach. Monumbului oku om tambalutku id Krabi solinaid do apat tadau om tolu totuong. Sinumakai iyahai do kapal tulud minongoi hilo.
Ontok tadau koduwo, minongoi iyahai id Phi Phi Island. Sumakai iyahai do buut tosiau. Gatang pakej kumaa id Phi Phi Island nopo nga duwo nahatus om limo ringgit.
Ogumu tomod o tulun id Phi Phi Island. Lolobi po, olumis om alangga kopio o waig rahat id Phi Phi Island. Dadi, tumolop iyahai id rahat Phi Phi Island. Kawagu po, mogisuwaian o sada id suang do rahat dii.
Suai ko ii, minongoi iyahai id Viking Cave. Mogot po tu’, nokokito iyahai do ogumu kopio o bado. Kapalas dii, mangakan iyahai takanon id disan rahat.
Ontok tadau kotolu, minongoi iyahai id Railay Beach. Ogumu tomod o tulun lumoyog id Railay Beach. Kalapas diti, minongoi iyahai id Emerald Pool. Mamanau iyahai kumaa Emerald Pool.
Osogit kopio waig hilo. Lumoyog nogi iyahai hilo. Ontok jam koturu dongotuong, minongoi iyahai id ‘The Hilltop Restourant’. Osonong kopio taakanon hilo. Kopongo ii, minuli iyahai id hotel.
Ontok tadau kaapat, minuli oku om tambalutku id Malaysia. Ogingo kopio o Krabi. Minomoli iyahai do ogumu kakamot ponompulangad miagal ko rasuk, golong om lamai.
Sumakai iyahai do kapal tulud. Nung intangan nga osonong ngawi o kinoiyonon id Krabi do mangan tombuluio. Osonong ginawo ku om tambalut do minongoi id Krabi, Thailand.
Iri no kinaantakan do au ku oolingan. Ingkaa no susuian ku.