Tinibas tambalut sabap mongiwogu
KOTA MARUDU: Songulun kusai nakatama minonibas tambalut disio sabap mongiwogu kalapas nokorongou panandasan munggui pinapaharo do pionuonuan (seks) miampai koupusan dau.
Boyoon Pulis Watas Kota Marudu Superintendan Mohd Izaan Abdullah minoboros do kinantakan timpuuni nantakan soira ‘suspek’ kiumur 50 toun minum songowian munggui om sawo dau om tina tiwanon dau id iso lamin id Kampung Longgom Pitas kiikira jam 8.30 sodop Kaapat.
“Ontok timpu moginum ngawi tiinumon kaawuk dilo sawo munggui tinandasan misurita kumaa ‘suspek’ kokomoi munggui munggui haro minomonsoi pionuonuan (seks) miampai tina monongiwan dau ih nogi haro pironitan tolosok miampai ‘suspek’ id kabun gata.
“Sabap mongiwogu miampai kopoilaan dilo ‘suspek’ minaganu laang miampai minonongod munggui pogului nantakan o pinioduhan pialatan diolo,” ka disio.
Minoboros isio do munggui kalapas dilo minaganu dangol om minonibas daa ‘suspek’ pogului nantakan o pinioduhan pialatan diolo.
““Suspek nakanau minamagahau dangol mantad munggui om minomogusa munggui gisom id dapur.
“Ontok timpu iso’i sawo munggui minanangkus luminabus mantad lamin montok mokianu ponulungan poingiyon id timbang-timbang om aiso isai-isai ih nokokito onu ih nantakan kalapas dilo id suang lamin dilo,” ka disio.
Ka disio, tanak kapanakon munggui nokokito noopo ‘suspek’ luminabus mantad longobon dapur om sawo munggui nogi tuminagak om au minuli doid lamin gisom baino,” ka disio.
Kawagu dau, bogian lamin pongusapan pinapatantu do munggui kiumur 30 toun minidu pogun sabap do kinopurahan di togumu sabap tinibas id ponong wuros om tian.
“Pinomorisaan potilombus nokoilo do ‘suspek’ nokoumbal nosiliu tambalut soingkaraja miampai munggui id kabun piasau mamau id Pitas om asasaru rumikot id lamin munggui montok moginum tiinumon kaawuk.
“Asil kopoilaan mantad poingiyon timbang-timbang munggui minonondos ‘suspek’ haro pironitan tolosok miampai tina monongiwan munggui om sawo munggui nogi dinawa songulun ih haro ahal tutok,” ka disio.
Tumanud disio, kakaal poh bogian pulis monoriuk kes diti miampai tosoriuk tumanud Seksyen 302 Kanun Koinggoritan.