Ralan pinatantu oumolig gunoon
# Kaparagatan kopongindakodan Nuluw Nabalu nukaban kawagu baino
KOTA KINABALU: Kaparagatan kopongindakodan id Nuluw Nabalu nukaban kawagu baino (10 March) kalapas koyuon ralan kopongindakodan pinatantu do oumolig montok gunoon.
Montiri Ponombuluian, Koubasanan om Kinoiyonon Posorili Datuk Seri Panglima Masidi Manjun minoboros do minaganu kapatantau dilo kalapas papanau karaja pongintongan pinaharo mantad Timpohon (KM 0) gisom Kawas Low (KM 8.72) ontok sosodopon konihab.
Pinongintongan ih pinapanau di Tinimungan Mongingintong Summit Trail Nuluw Nabalu ih nampayat di 47 tulun nokoilo do aiso kinaraagan tagayo nantakan. Haro kinaraagon tokoodo noopo ih noilaan om ilo noumbasian noh.
“Ralan pongindakodan nuluw nopo nga oumolig gunoon. Linominon pongidopan id bogian Panalaban nogi au nogi naraag.
“Mantad dilo, kalapas pinogibabarasan tosoriuk winonsoi miampai bogian kikompitan (TamanTaman Sabah (TTS),, Malim Gunung, Tinimungan Poimbida Mogihum & Manampasi Nuluw (Mostar), porters, pakakaraja Sutera Sanctuary Lodge (SSL) om Mountain Torq), toinsanan tinimungan minomorisa toiko mongingintong iso ginawo mokianu dogo montok poposiliu do Kinabalu Summit Trail oumolig montok gunoon.
“Kaparagatan pongindakodan obuli ukabon kawagu kumaa tulun togumu ontok suab(10 Mac),” ka dau id iso kopoilaan, hiti konihab.
Pogoduhan pongindakodan nosondikot pinalabus id sodop Kaapat sumusuhut guminuyu tana osuhatanan miampai 5.2 magnitud ih nantakan id jam 9.06 dongotuong. Kinoguyuon kilongkod id tampat 6.1 Utara 116.6 Timur, kiikira 16 kilometer barat laut Ranau. kira-kira 16 kilometer kotonobon daat Ranau. Minoboros Masidi do ontok sodop Kolimo, siam pakakaraja TTS Mosar om SSL minonginodop id bogian Panalaban montok laang pomoruhangan montok papatantu do koyuon koguli oumolig.
Miampai dilo, kiginumu 135 mongindakod nantaban au nakaanu minindakod Nuluw Nabalu sumusuhut pogoduhan kopongindakodan ih pinalabus ontok sodop Kaapat.
Namot dilo, Jamili id kopoilaan ontok sodop Kaapat pinopoboros do kiharo piipiro kinobpiangan noilaan nantakan poompus ralan pongindakodan. Kinobpiangan agaagayo ih dilo noilaan nantakan id kilometer (KM) 1.5. Nga, kakaal obuli wayaan ralan dilo.
Om nogi, norongou nogi nantakan kinobpiangan id bogian tumoguang Kampung Mesilau, Kundasang om tohuri Tunku Abdul Rahman Peak nga kinobpiangan kikotumbayaan naratu doid ponong Low’s Gully.
Aiso nunuunu kinosindualan kuminaa mongindakod toiko kinaraagon linominon pongidopan ih pinoruput do nantakan.
Koinsanai 239 tulun kaamung 130 mongindakod ih kiharo id Laban Rata ontok kinantakan guminuyu tana dilo nantakan nakaanu minogowit minindahu miampai noumolig doid Timpohon Gate miampai mogipapangaan pialatan jam 1.30 minsusuab gisom jam 4.30 minsusuab.
Tulun suai kamaung noh 42 Malim Gunung (popotunud ralan), porter (apat), pakakaraja SSL (30), pakaraja pamansaian (apat), TTS (onom), SAR (limo), onom puru Mosar om 12 pakakaraja Mountain Torq.