Potitikid puru Komulakan BN mositi mongilag ponombirangan gugumaga - Salleh

KOTA BELUD: Pokionuon di Montiri Komunikasi om Multimedia Datuk Seri Dr Said Keruak o potitikid puru tinimungan Komulakan Barisan Nasional (BN) sumiliu ‘Cyber trooper’ toiko ‘pejuang siber’ ih opurokis mongilag ponombirangan gugumaga kamaung noh paparayat ngawi kabar au otopot.

Ponorikohon BN Kota Belud dilo minoboros do tonggungan ‘mindaama siber’ kiguno kopio montok popointarang kumaa rayat kokomoi nunu noopo ahal mooi do rayat doulu noh pongundi au momonsoi koputusan kasala ontok mongundi ontok pomilian tagayo ginumuan ko-14 (PRU14) tiinu.

“Landskap pulitik baino osodu nodi nokosimban piagalon gulu poh hinonggo nung ponombirangan om kabar au otopot parayaton noopo maya ‘surat layang’ nga baino nokosimban nodi kumaa talipaun maya ‘media sosial’.

“Om potitikid dikoyu mositi sumiliu ‘pejuang siber’. Saapon ponondosgugumaga okon monulung gugumaga paparayat kabar au otopot,” ka disio.

Salleh ih nogi bendahari UMNO minoboros ahal dilo id ‘Program Santai Jentera Briged Gempur Pergerakan Pemuda BN’ bogian Lamin Koundangan Pogun Kadamaian hiti, konihab.

Ka disio sokiro ko mindaama siber komulakan BN kaanu papatarang do toinsanan ahal om mongilag toinsanan pongindaraatan om kabar au otopot, kotumbayanan rayat kumaa katabayan om kotopotan BN koingkawas doti om kalapas dilo rayat momili doti toiko mongundi calon BN ontok pomilian tagayo ginumuan timpu rumikot.

Tumanud Salleh pilion tulun ontok mongundi koubasanan nopo nga sabap do ahal parti, ahal om posorilianan.

Ka disio pongundi ih mongundi sabap do parti au kopongimbulai do ogumu kobolingkangan sabap iyolo nopo nga mononokodung oupus parti nga pongundi ih mongundi sabap do ahal om koimbayatan posorili mositi rulanon miampai opurokis kopio.

“Sabap dilo, tinan ngawi BN mositi karati om maganu kokiraan sabap ngawi pongundi diti. Simbaron om patarangon nunu noopo ahal,” ka disio.-Bernama

Puru manampasi nokorikot id Timpohon Gate montok mogowit mongindakod ih mindahu mantad Pana Laban songkosodop. Gambar wanan, karaja sabaagi popotunud ralan (Malim Gunung) ih nokohompit minogowit minindahu mongindakod Nuluw Nabalu mantad Pana Laban.

SALLEH ontok minanahak do boboroson kuminaa tinan Komulakan Barisan Nasional (BN) ontok tuminindapou abaabayan pinirumaan injin ‘briged’ manangod tinan komulakan BN N7 Kadamaian id Kampung Purak Ogis, konihab.

Mongindakod ngawi poinsodia tumongkiad tiyonon Taman Kinabalu montok muli miampai pinonutuban naamot pongindakodan.