Songowian guguma do BN
# Potontuon calon pinili Luguan Montiri kaanu sokodung
LABUAN: Pokionuon di Timbang Porosiden Umno Datuk Seri Hishammuddin Tun Hussein o Injin Barisan Nasional (BN) Labuan manahak do sokodung poimponu kumaa calon ih pinili di Luguan Montiri ontok Pomilian tagayo Ginumuan Ko-14 (PRU14).
Minoboros isio do sokodung mantad injin BN kumaa calon ih nopili kiguno kopio montok papatantu do kopongoputan kotundaan Labuan di kotilombus.
“Okon gugumaga tokou do iso tirikohon noopo nga mimang tokou gumaga BN sabaagi impoon kopomuruanan pogun kumaa toinsanan rayat, ilo pason ih posotolon tokou kumaa tulun togumu.
“Mositi potontuon do injin piro ginumu noopo mantad 28 noribu pongundi id Labuan lumabus om mongundi calon BN ontok PRU14,” ka dau.
Pinatarang dau do pisokodungan idsuang parti pikoruhangan BN Labuan kiguno kopio podolinon miampai laang di kiasil.
“Injin kaamung noh palapa ngawi pikoruhangan mositi opurokis papanau karaja maya iso tinimungan sabap iti ih tinungkusan tokou mantad momuruan gulu poh.
“Kiguno nogi montok dotokou poposotol kumaa injin, iti okon timpu montok mamaamain, kopuriman asanang, kopuriman agaras sabap potitikid undi dilo kiguno kopio,” ka dau.
Hishammuddin ih nogi Montiri Gugumaga mokianu nogi tuh papanau karaja injin mositi palanan miampai osorisid montok kapaganu do kamanangan di lobi tagayo.
“Mositi haro laang tawakas om oulud, potontuon montok mogihum pongundi om potontuon iyolo lumabus mongundi.
“Pobuluguon gaab om iman-imanon, potontuon kamanangan togumu ih poinggagayo id susuian BN Labuan,” ka dau ontok minanahak boboroson pinotimpuun do Injin BN Labuan di tadau Minggu.
Namot dilo, pason Hishammuddin nogi nakaanu sokodung mantad puru BN Labuan ih nokotindapou id ramai dilo pialatan dilo Boyoon Raan Umno Lubok Temiang ih nogi Boyoon Longkod Watas Mongundi (PDM) Kubong Alias Hussin.
Alias ih rinomut nogi mokianu toinsanan injin BN tuh kopuriman asanang montok tumoguang ponokisaap ontok PRU14 tiinu.
“Au tokou apatut kopiriman asanang miampai kagarasan di haro nga mositi tumilombus minggisom kumaraja idsuang iso tinimungan miampai minsomok pongundi.
“Mositi manahak tokou nogi pongintongan om nogi mongilag nunu noopo ahal ih posoribauon do bogian gugumaga tuh rayat au ompuong miampai pongindaraatan om kaakan miampai pongindaraatan diolo,” ka dau.
Montok Boyoon Komulakan Umno Raan Bukit Kuda Gazali Osman, koinsanai kopokionuon mantad Datuk Seri Hishammuddin osiliu ponutud sunduan kumaa injin id bogian raan dau.
“Au nogi yahai sumunsuri id tohuri nga tumilombus minggisom kumaraja montok papatantu do tanak ngawi tomulok songowian ngawi oupus manahak sokodung kumaa calon BN id Labuan tiinu.
“Yahai Komulakan Umno au orosian miampai ponokisaap, iti tumaru komulakan ih tumilombus gumaga do tana Labuan kotimporon sabaagi watas tagaras BN montok timpu tabantalan tanak bansa di lobi kijaminan,” kongsi diolo noponu sunduan.
Sahat Zainal ih nogi AJK Umno Raan Sungai Bangat nagayat kopio miampai pason di Hishammuddin ih minanahak sunduankumaa toinsanan injin BN ih nokotindapou.
“Yahai id Umno Raan Sungai Bangat au noh kaandad ozozop o parlimen montok tumilombus papanau injin songowian piromutan JR, Komulakan, Koonduan om Puteri Umno.
“Otumbayaan oku do abaabayan baino diti kapanahak asil kiguno kumaa BN Labuan montok kotilombus kisunduan papanau do injin tulungon mogiupapakat mantad toinsanan parti pikoruhangan montok kapaganu ‘majoriti’ kamanangan lobi togumu,” ka dau.
Kotumbayanan dilo nogi nakaanu sokodung Monunurat
Parti Gerakan Rakyat Malaysia Labuan William Chong.
Ponorikohon Atatap Upko Labuan Duang Sitang nogi pinoposorou do pongundi id labus do hilo tuh au popimpukiau do timpu tabantalan miampai momili bogian gugumaga ontok PRU14.
Abaabayan pinonimpuunan di notindapou kiikira 1,000 puru injin BN Labuan dilo nogi notindapou di Puru Parlimen ih nogi Ponorikohon BN Labuan Datuk Rozman Isli om Kumoduo Boyoon Umno Bogian Labuan Senator Datuk Bashir Alias.
Duang Sitang