Pulis minamagakom 11 tulun kaamung tolu ‘suspek’ papatayad dadah
TAWAU: Pulis minamagakom 11 ‘suspek’ kaamung tolu kikotumbayaan do papatayad om papadagang dadah maya ‘Ops Cegah Jenayah’ om ‘Ops Sarang Bersepadu’ hiti, solinaid apat tadau gisom tadau Koonom nakatalib.
Boyoon Pulis Watas Semporna Supt Peter Umbuas minoboros do nakapamagahau nogi dadah o bogian dau kikotumbayaan do syabu kiwinagat kiikira 97.05 gram.
“Noilaan tokou tolu ‘suspek’ papatayad om papadagang dadah ih maan onuo laang tokodou tumanud Laang ngawi Pomunsoan Poimbida Akta Dadah Koligogon (ADB) 1985.
“Iyolo kiumur id bindurugan 30-an om 40-an kaamung songulun tondu, ih ginakom miampai misusuai,” ka dau id pitimbungakan abar id IPD Semporna, hiti konihab.
Minoboros Peter do kinagakaman dilo winonsoi id posorili Kg Ice Box, Kg Batu, Kg Sri Aman om Kg Baru Pulau Bum Bum, om nakapamagahau nogi pulis do koumatan pomolopot syabu.
Ka dau kokotumbayaan o pulis do dadah dilo padagangon id posorili bogian poingompus disan daat om kampung-kampung ih kiharo id watas diti.
“Ponoriukan nukaban tumanud Seksyen 39B ADB 1952, Seksyen 39A (1) ADB 1952 om Seksyen 15 (1) (a) ADB 1952 (suai-suai kasalaan kopoompit do kinagakaman solobi dilo),” ka dau.