Turu AJK Bogian Umno Sepanggar luminapas karaja
AZHAR KOTA KINABALU: Turu Puru Komiti (AJK) Bogian Umno Sepanggar luminapas karaja pinogirotkuasa ontok tadau dilo nogi.
Bagas AJK Bogian Umno Sepanggar, Azhar Matussin minoboros do koputusan dilo naanu asil mantad pinogibabarasan pialatan AJK suai ih pinoposikap do laang tokodou dilo sansagan winonsoi sabap piipiro ahal.
“Pialatan dilo nopo nga natagakan kotumbayanan kumaa kopomuruanan Umno Bogian Sepanggar id suriba monowoli naamot boyoon bogian ih popoindisan do poingigit tirikohon
Parlimen Sepanggar Datuk Jumat Idris poingkakaton kawagu om sambalik dilo momili ‘calon’ labus.
“Laang monuhu do toinsanan raan kaamung noh tinan Koonduan om Puteri mooi au tumindapou toinsanan abaabayan onjuron Upis Parlimen Sepanggar nopo nga aiso tonggungan.
“Laang dilo monolikud do sunduan piombalutan id pialatan puru Umno Sepanggar om kontodonon do antaka o pibabakan om kalapas dilo popolomi do sunduan diolo,” ka dau id iso kopoilaan hiti konihab.
Minoboros isio do kiharo piipiro kopoilaan ih pinalabus di bogian upis bogian id okitonan pason poimbida nangku toiko pibarasan toomod toiko ‘teks Whatsapp/SMS’ koponginam kopio kasabaran puru Umno di au iso ralan miampai diolo montok suminikap tumongkiad do parti dilo.
Ka dau, otumboyo iyolo do lobi ogumu ih tumanud Umno montok mongolon tampat aiso dilo gisom kontodonon do ogumu puru Umno minundaliu doid parti gugumaga.
“Suai ko yoho, kiharo onom kagu puru komiti bogian suai luminapas karaja nogi,” ka dau.