BN tumilombus popotounda Sabah om Sarawak - Ahmad Zahid
KIMANIS: Barisan Nasional (BN) tumilombus papanau do tonggungan diolo montok popotounda Sabah om Sarawak nung onuan kuasa momuruan porinta ontok pomilian tagayo ko-14 (PRU14), ka di Kumoduwo Luguan Montiri Datuk Seri Dr Ahmad Zahid Hamidi.
Ka disio, BN noh ih obuli papatantu do kopongoputan kotundaan om mintamong rayat, okon noopo id goduwoduwo pogun dilo nga id pointongkop pogun.
“Koilo tokou pogun ih torinaon gugumaga, aiso lobi (koburuon) ih winonsoi diolo sabap koburuon ih naanu diolo kitapak mantad BN.
“(Jadi) kada osohut mato, katangkid pomusarahan sabap pogunkakaal momoguno BN,” ka disio ontok minanahak boboroson id Abaabayan Momuruan Songowian Rayat bogian Parlimen Kimanis id Bongawan doros hiti konihab.
Minoboros Ahmad Jahid do momuruan BN haro katahanan kobilangan om kotoboi rumundun timpu montok papatantu rayat koburu.
Minoboros Ahmad Zahid do iti okito maya manifesto BN ontok PRU13 ih nakaanu pinapanau soosomok noponu ilo nopo nga 99.4 paratus.
“Rati dilo, toinsanan idsuang manifesto montok PRU14 diti maan BN papanao poimponu (nung kamanang pomilian tagayo). Tokou (BN) kaamung toinsanan rayat ih mogisusuai tinaru om bansa,” ka disio.
Tumanud Ahmad Zahid, Luguan Montiri Datuk Seri Najib Tun Razak nokopomonsoi noh koinsasanai montok rayat mantad podi minomuruan pogun om manahak jaminan manifesto BN montok PRU14 diti okon ‘janji kosong’.
“Manifesto BN (montok PRU14) manahak koposotolan montok limo toun timpu rumikot. Okon ‘janji kosong’, okon ‘janji’ 100 tadau.
“Soira Luguan Montiri pinonguhatan di media songkosuaian (kalapas pinopoimagon manifesto), minoboros isio do au kaanu gugumaga papanau toinsnan ‘janji’ id suang manifesto diolo piagalon BN,” ka disio.
-Bernama