Boyoon Bogian Warisan Libaran noduso
# Pinosorou di Ramli o tulun togumu tuh au momonsoi ‘spekulasi’
SANDAKAN: Hansanon pinoingkakat Parti Warisan DUN Gum-Gum noduso kahapas linanggal di iso kulita ontok masaon minum id iso restoran id Batu 6, di kosuvabon koniab.
Munggui nointutunan sabaagi Aris Malayu, 56, minidu pogun id tampat kinantakan.
Pesuruhjaya Pulis Sabah Datuk Ramli Din minoboos do nokotoimo o boogizan dau do pamahaavan kokomoi kinantakan dino id jam 9.30 kosuvabon.
Id kinantakan dino ka disido, masaon munggui minum songovian tambahut dau id restoran dino nokomoi.
Iso kulita ih pinapanau di songuhun tondu ih popotood daa do kulita dau id doumbangan restoran dino nga natagakan kapadtamangan om kalanggal munggui ih maamaso poindikau minum mitoguvang kulita dino.
Asil kinantakan dino, minoboos isido munggui ih nogi huguan boogizan Parti Warisan Parlimen Libaran noimpit no id piahatan iso toigi om kulita dino.
Minoboos isido boogizan pulis ih tinuubung pinapnau do ponoizukan kokomoi do kinantakan dino.
“Pulis pinoposuat kopoihaan saai ngavi om ponoizukan papanaon tumanud Seksyen 41 (1) Akta Padsakazan Lahan 1987.
“Papapanau kulita (tondu) kiumul 61 toun dino aiso nunuunu kinosinduahan,” ka disido id pitimbungakan abal doiti, sosodopon koniab.
Tinan munggui kahapas dino pinaatod di kokuasaan pulis doid Hospital Duchess of Kent montok pokizazakan monoizuk.
Minoboos Ramli do luputan pinamazazakan minonoizuk nokopokito munggui nakakandai kinosinduahan notipu tuhang tikagang ponong gibang ih nokoontok tundundu.
Pinosoou disido o tuhun tugumu mooi au monoodo ‘spekulasi’ kokomoi kinohigaganan ih nantakan id Bandar Utama dino.
“Pogonuan haang kuma dosido ih papalayat abal pilasu di obuli kontodonon kohodongan ontok PRU14 diti,” ka disido.
Kokomoi PRU14, pinosunud di Ramli do boogizan Pulis Kontinjen Sabah nokosodia no 100 piatus tumoguvang kopoindahanan mongundi om pongilaan undi.
“Soginumu 7,212 upisol om puu pulis pakalaja id Sabah posodia monuhung popoindahan PRU kapanau miampai tavavasi kaamung id papak kohisaon Sabah,” ka disido.