‘Azam Job Placement’ mujur diatur di Kapit
Bisi 378 iku nembiak ke ngembun macham pemandai, pengelandik bela kisuk bepintaka pengawa
KAPIT: Bisi 378 iku nembiak Pom Lima, Enam, sereta ke ngembuan diploma enggau degree ngemenuhka Pusat Sivik ditu, bela kisuk ngerijista diri minta pengawa ke diatur Opis Pengereja Pengawa ari baruh Program ‘Azam Job Placement’ berengkah pukul 8.00 nyentuk 5.00 lemai kena Hari Enam tu tadi.
“Ari semua nya, 23 iku graduet, 100 iku ngembuan diplopma, 22 bisi STPM sereta 233 iku ngembuan setipikit SPM mujur ngerijista diri ba mayuh bengkah pengawa puang sehari nya.
“Kelimpah ari nya, 6 iku ke ngembuan penatai pemisi kurang ari RM300 sebulan mega ngerijista diri ari baruh e-Kasih sereta 38 iku mega mujur diinterbiu lalu nganti surat pengulih minta pengawa ari opis ti bekauh,” ku Sapit Direktor Kanan Opis Pengereja Pengawa Kapit Khusyairy Pangkas.
Kesemua 17 buah kaunter opis kompeni ari Johor, Kuala Lumpur, Kuching, Mukah, Bintulu, Miri, Sibu enggau Kapit ngulu atur pengawa nya.
“Sida ke mandangka diri bisi ati minta pengawa maya nya entara umur 19 nyentuk 30 taun, sekeda ari kompeni ti besai ngulu atur pengawa nya iya nya Jaya Tiasa, Tan
“
Ari semua nya, 23 iku graduet, 100 ngembuan diplopma, 22 bisi STPM sereta 233 iku ngembuan setipikit SPM mujur ngerijista diri ba mayuh bengkah
” pengawa puang sehari nya. Khusyairy Pangkas Sapit Direktor Kanan Opis Pengereja Pengawa Kapit
Ann, Faber Medi-Serve, Press Metal, E-Mart, CCK, Pekerso, Senai Airport Bhd, Banyan Timur Sdn Bhd, Institut Kemahiran Perindustrian’, tandu Khusyairy.
Pun taun tu tadi, Opis Pengereja Pengawa mega udah bejadika sebengkah projek ‘komuniti e-Kasih’ di Rh Unjah, Ulu Sesibau kena nyaup raban ke kurang penatai pemisi nambahka asil sida.
Khusyairy mega lantang ati meda pengawa bejualka pua kumbu ari raban e-Kasih tu manggai RM600 nyentuk RM700 sebulan.
Ba sekeda, pengawa interbiu dipeda muntang lebuh teulihka pemujur. Susan Lejam ke baru tembu belajar di SMK Kapit mujur diinterbiu nyadi Auxiliary Police di Penyangkai Bilun Sinai. Iya diinterbiu sergeant Zanaraiah, sergeant Norrizan enggau Corporal Soufi.
Ku Sergeant Zanaraiah ke nyadi ketuai raban interbiu nya, barang sapa ke mujur ila deka dilatih Sekula Pematih Polis pengelama 9 bulan sebedau bejalaika pengawa di nyadi konstabel auxiliary.
Ku Khusyairy, program ke diatur sehari nya ngemeratka peranak menua ke asal mangku pengawa di kandang menua diri. Semadi mih nadai nembiak asal dia minta pengawa baru ngiga orang ari menua bukai.
Berebak enggau nya, Opis Pengereja Pengawa mega bisi nyendiaka servis internet ungkup sida ke deka minta nengah ‘on-line’.