Parti UPP mujur dilancharka kemari
Soon Koh netapka UPP deka numbuhka 23 bengkah pampang di serata nengeri tu
KUCHING: Parti Rakyat Bersatu (UPP) ti nungkatka rambai jaku “A New Beginning” dilancharka kemari (16 Ogos) lalu deka nyadi jematan ngagai peranak nengeri tu kelebih raban nembiak lelaki enggau orang indu ngaul diri ba pengawa meri servis ngagai rayat lalu nyadi ketuai jemah.
Pengawa ke chukup besai reti ngagai UPP nya kemari dikemujur pengudah seminggu Parti Se’Ati Rakyat Sarawak (SUPP) ngintu penumbuh 55 taun sida kenaka 8 Ogos tu tadi ke alai UPP diiring Dato Sri Wong Soon Koh ke nyadi Chairman Komiti Protem.
Wong ke mega Menteri Kunsil Kandang Menua enggau Pemansang Raban Bansa sereta nyadi Menteri Wang Kedua dibantu Raban Komiti Protem iya nya Menteri Muda Pengerai Mensia Mayuh ke mega Adun Bengoh Datuk Dr Jerip Susil, Adun Opar Ranum Mina enggau Adun Engkilili Dr Johnnical Rayong sereta luya George Lo.
Wong maya bejadi pengawa nya bisi nerangka sekeda tuju enggau kuing UPP sereta
“
Beribu orang udah nyain pom nyereta UPP diserata nengeri lalu parti tu begunaka mayuh orang baikka nya tuai tauka raban nembiak lelaki engau orang indu ke ngembuan pengulih nyadi
” ketuai. Dato Sri Wong Soon Koh Chairman Komiti Protem
ngerintaika sekeda polisi parti.
“Beribu orang udah nyain pom nyereta UPP diserata nengeri lalu parti tu begunaka mayuh orang baikka nya tuai tauka raban nembiak lelaki engau orang indu ke ngembuan pengulih nyadi ketuai.
“Kitai patut nguji matak mayuh agi orang ke landik ngambika tau nentuka parti ulih napi semua pemar nitihka ubah ke bisi nyadi kemaya hari,” ku iya.
Nambahka nya, Wong netapka UPP deka ngerapit mayuh agi raban nembiak ke alai pengawa ngulihka sukung ari raban nya deka nyadi pekara ti dikemerat.
Ku iya, parti baru tu deka meri awak ke chukup ngagai raban nembiak nyikap diri sida nyadi ketuai nitihka chara diri.
“Sida ulih ngemujur tang- gung pengawa ngubah runding sereta ulah raban orang seikas umur ngambika bela nyukung perintah ti tau mega mulaika pemaik ngagai penyerakup komuniti,” ku iya.
Soon Koh netapka UPP deka numbuhka 23 bengkah pampang di serata nengeri tu lalu dalam timpuh 3 bulan ti deka datai parti deka ngadu Aum Deligit Tiga Taun Sekali endur milih ketuai komiti besai parti.
Dulu agi ari nya, Jerip ti bejaku ngarika raban bumiputera madah UPP sebengkah parti baru lalu deka nempa sejarah baru nitihka iring ketuai enggau raban bukai dalam parti.
Ku iya, penegap pejalai UPP ke nyadi seiti parti baru bepanggai ngagai ketuai eng- gau raban dalam parti.
UPP dipenyadi kenaka 17 Julai tu tadi pengudah nerima pemendar ari Opis Pengerejister Gerempung ( ROS) kenaka 14 Julai 2014.
Sebedau nya, Wong, Dr Jerip, Johnnical sereta Ranum bisi ati nyereta Parti Tenaga Rakyat Sarawak (TERAS) pengudah sida empat ditingkil ari SUPP.
Pengudah berandau enggau presiden TERAS Tan Sri William Mawan, sida mutuska penemu neruska pengawa dalam seiti raban tang nengah pelasar ke bebida lalu ngujungka UPP ditumbuh.
Pengawa Ngelanchar Parti Rakyat Bersatu “A New Beginning” kemari digulu enda kurang ari 300 iku penyukung UPP.