36 indu dara berebutka gelar Kumang BDCF 2014
sai kitai bansa Dayak endang ari menya chakah ngempung semua kitai ngambika ulih beserakup lalu begulai likun enggau pangan diri,” ku tandu Ugak.
Ba pekara bukai, Ugak muji komiti pengawa laban ngemujurka BDCF taun tu enggau taun-taun ke udah.
Ku iya, pengerami tu ukai semina dikena ngelakuka menua Sibu ulih dipasuk ba kelendar dagang temuai nengeri Sarawak tang beberitaka nengeri tu menua ke agi mengkang ngenanka main enggau pengarap lama ngagai serata menua.
“Enti ukai kitai bansa Dayak mantaika adat enggau main asal orang bansa bukai sigi enda ulih meda.
“Pengerami baka tu mega engkeman mandang serayaka dikena ngetanka pengeraja enggau pengelebih bansa Dayak ke nadai dikembuan bansa bukai,” ku iya madah.
Ugak mega ngarapka pengerami nya enda ditejuka pia aja tang patut disikap enggau manah agi awakka tau mai penguntung ngagai bansa Dayak.
Berebak enggau tu mega iya ngelalau bala apai indai bansa Dayak ngemeratka pelajar anak sida.
“Rebak baru nyadika pelasar enggau pengering menua tu mansang dudi hari.
“Nya alai, apai indai enda milih sapa- sapa lebih agi bansa kitai Dayak meseti chakah nyengulaka anak diri ngulihka penemu enggau pelajar ti chukup,” ku iya. SIBU: Gelar Kumang beserimbai enggau Pengerami Mantaika Main Asal Dayak Borneo (BDCF) 2014 deka diperebut 36 iku indu dara.
Chairman Komiti Pekit, Angelyn Uchi Maseng maya berandau enggau pengarang berita madahka, pemekit ke ngambi bagi ba pekit serak tu datai ari serata nengeri tu.
“Keterubah, bala pemekit deka besemekih kena malam pagila ( 19 Ogos) belabuh pukul 9 malam dikena milih 10 iku pemekit ngagai renggat final.
“Sida 10 tu deka besemekih ba pekit pengujung (final) kena 21 Ogos tu,” ku iya.
Ba pekit keterubah, ku Uchi, bala pemekit meseti ngena ngepan Dayak ke digaga Roses Hair & Beauty Studio- Bridal Boutique & Academy tauka Rose Chukan.
“Bala mayuh, bala diri sebilik enggau bala bakih ulih ngundi semua pemekit (36 iku) endur ngulihka gelar Miss Photogenik.
“Kategori tu tebuka ngagai semua 36 iku pemekit ke bisi ngambi bagi. Undi ulih dibeli ari komiti kami enggau rega RM1 seiti,” ku tandu iya.
Bala pemekit Kumang BDCF 2014 ke bisi ngambi bagi iya nya Yvonne Joeng, Ella Galing, Liana Ngian Abus, Clarence Melanie Juing, Hermadine Eda, Sophia Thomas, Helen Alo, Debbie Gibson, Grace Nyuta Guntur, Elina Luke, Mai Dilin Sipang, Alice Rebut, Sharron Valiny Nanong, Josephine Jelawat James, Diana Luba Douglas, Dalina Bala, Macprihelna Martin, Lalitha Mancha, Maureen Danau, Maria Jonnit, Claudia Anye, Susi Sumping, Rahdika Rahman, Cynthia Gucci Hus, Izza Dahlina, Diomera Darniati, Oliviana Sangai, Anatasia Marcus, Brenda Marta, Michelle Thomas, Subang Jamit, Sherry Simba, Shirlyne Emilia, Lorna Imee Bayang, Salina Benang enggau Erin Rubieny David.
Champian pekit serak tu deka bulih perais duit RM3,000 sereta disempulang trofi selampai enggau hamper.
Penuduk lumur dua mai pulai perais duit RM2,000 lalu penuduk lumur tiga, RM1,000 sereta bela disempulang enggau trofi, selampai enggau hamper.
Perais duit RM500 deka diberi ngagai pemekit ke mujur bulih penuduk lumur empat enggau lima.
Perais pengaga ati, diberi duit RM300 ungkup pemekit ke bulih lumur enam ngagai lumur 10.
Sapit Kepala Datuk Patinggi Tan Sri Alfred Jabu dipelabaka deka bejadika pengawa nutup panggau BDCF 2014 beserimbai enggau pekit final Kumang enggau Keling BDCF 2014 kena 21 Ogos tu, pukul 7 lemai.