Rayat anang muntang saru penemu, ku Harden
Projek pemansang ti disepi sida diberi perintah Barisan Nasional ukai dipenggi penyakal
SRI AMAN: Perintah Barisan Nasional ( BN) udah ngemendarka ungkup belanja penyampau RM260,000 dikena ngaga jematan gantung pemanjai 200 meter meraka Batang Undup ditu.
Menteri Muda Pemansang Menua Pesisir enggau Pengawa Berumah Datuk Francis Harden Hollis madah, projek nya deka nguntungka peranak ari lima buah rumah panjai di kandang menua Empadi, Undop.
Ku iya, pengawa ngaga jematan nya dipelaba deka berengkah ujung bulan tu lalu diadang tembu kandang beberapa bulan udah nya.
Harden ke mega Kaban Kaunsil Nengeri (ADUN) sitak Simanggang madah munyi nya lebuh bejadika pengawa nasih tanah, Jematan Gantung Batang Undop, di Empadi Undop ditu kemari.
Tandu iya, ukai semina
“
Penyakal, baka DAP nadai teberika pemansang ngagai rayat di menua tu, sida semina landik bejaku, semua projek ti disepi rayat ukai ari sida tang perintah BN
” magang. Datuk Francis Harden Hollis Menteri Muda Pemansang Menua Pesisir enggau Pengawa Berumah
penembu jematan nya deka ngemuntang pemindah sereta pejalai peranak ari lima buah rumah panjai dia tang ngelantangka sida bebaika asil tanam tupi ke pasar ti besemak.
Berebak enggau nya iya ngelalau semua peranak dia ngambika enda saru penemu ke pemansang ti dibai perintah BN ngagai rayat di menua tu lalu ukai diberi pengari penyakal.
“Penyakal, baka DAP nadai teberika pemansang ngagai rayat di menua tu, sida semina landik bejaku, semua projek ti disepi rayat ukai ari sida tang perintah BN magang,” ku iya.
Iya mega ngarapka semua projek ti dipejalaikadiatu ari perintah BN magang, ukai ari penyakal.
Bela bisi ngulu atur pengawa nya, Pemantu Khas kaban parlimen Sri Aman, Edmund Pirang, Penghulu Micheal John Sanggop sereta tuai rumah ngelingi Ulu Undop.