Semua isu, mit besai, putar enggau lengkas
Kelimpah ari nya, semua semaya ti udah disebut ngagai rayat petur dikeamat magang, ku Saidol
KUCHING: Kepala Menteri Tan Sri Datuk Amar Adenan Satem minta semua isu, enda milih pemesai, ke bisi ayan ba genap sitak kaunsil nengeri diputar enggau lengkas taun tu.
Chairman Kelab Penyukung Barisan Nasional (BNBBC) Abdullah Saidol madah, lalau nya dipansutka Adenan rambau aum ti diatur begulai enggau kaban kelab nya di Dewan Undangan Nengeri (DUN) ke baru ditu, kemari.
“Sebarang isu, mit tauka besai patut diputarka enggau lengkas lalu nya entara pekara ti pemadu berat dipinta iya (Adenan) diputar.
“Semaya ke udah diberi ngagai rayat pan patut dikeamat lalu dikenataika enda ngelui ari timpuh enam bulan. Kepala menteri minta kami kereja bebendar begulai enggau iya lalu ukai bekereja ke iya.
“Adenan mega ngelalau kami nyikap diri napi pengawa bepilih nengeri ke majak semak,” ku Saidol ba sebengkah aum pengarang berita, tembu aum kelab nya, kemari.
Aum ke diatur keterubah iya pengudah Adenan mangku pengawa nyadi kepala
“
Semaya ke udah diberi ngagai rayat pan patut dikeamat lalu dikenataika enda
” ngelui ari timpuh enam bulan. Kepala menteri minta kami kereja bebendar begulai enggau iya lalu ukai bekereja ke iya. Abdullah Saidol Chairman BNBBC
menteri ke baru nya mega dikena kaban BNBBC ngenataika sukung ke enda bebagi ngagai Adenan.
“Kenyau Adenan nyadi kepala menteri ba bulan Februari tu tadi, iya udah mansutka mayuh penerang enggau pemutus ti ngelantang ati lalu kami ari BNBBC deka nyukung penerang ke dipansutka iya.
“Baka isu ‘hudud’, pekara nya nadai isu di Sarawak lalu iya minta kami nyukung,” ku Saidol nambah.
Ba kaul ke sama, Sekretari BNBBC Dr Abdul Rahman Junaidi madah, Adenan minta semua pengari rayat suah agi nemuai ngagai kandang menua sitak diri lalu begulai enggau rayat.
Ku iya, pengari rayat patut suah agi begulai enggau rayat lalu nemu penanggul ke ditapi rayat sereta diputar enggau lengkas.
Ba randau nya, Dr Abdul Rahman madah, sida bisi minta Adenan nyaup ba senentang isu ngangkatka kaunsilor, ketuai kaum (KK) tauka tuai rumah (TR).
“Kitai minta iya ngelengkas pengawa nyiri kaunsilor eng- gau tuai rumah. Pekara nya chukup berat ketegal sida ke dichiri nya deka mantu bejalaika pengawa perintah,” ku iya.