Tuai Rumah patut nemu silik pasal adat
Adat Iban 1993 meseti nyadika pelasar sida maya ngatur penanggul nembiak redak
SIBU: Tuai raban bansa nyengkaum Tuai Rumah patut nemu silik bekaul enggau Adat Iban 1993 baka ke udah diletak ba Majlis Adat Istiadat Sarawak dikena ngelempungka agi tanggungpengawa sida.
Menteri Muda Dagang Temuai enggau Pemansang Tanah, Datuk Gramong Juna madah, raban sida tu meseti bepelasarka atur tauka undang-undang ti udah diletak maya ngatur penanggul nembiak redak ke dijaga diri empu.
“Mangku pengawa nyadi tuai meseti nemu enggau silik pasal adat Iban ngambika ulih megai rayat enggau manah lebih agi maya mutarka penanggul ba rumah panjai,” pia ku iya madah.
Iya mantaika jaku tu maya bejadika Bengkel Adat Iban 1993 Pelilih Kanowit ba Dewan St Joseph ditu, empai lama ke udah.
Bela bisi datai maya tu iya nya Kaban Parlimen Kanowit Datuk Aaron Ago Dagang, Kaban Kunsil Nengeri (ADUN) Ngemah Alexander Vincent, Sekretari Politik Kepala Menteri Maurice Giri, Chairman Majlis Adat Istiadat Sarawak Datu Nillie Tangai, Ketuai Pengerejister Kot Bumi-
“
Mangku pengawa nyadi tuai meseti nemu enggau silik pasal adat Iban ngambika ulih megai rayat enggau manah lebih agi maya mutarka
” penanggul ba rumah panjai. Datuk Gramong Juna Menteri Muda Dagang Temuai enggau Pemansang Tanah
putera Ghani Ugei, Pemesai Opis Pelilih Kanowit Katis Noel Nyabong enggau Pemesai Opis Pemadah Pelilih Kanowit Wan Mohd Zuki Wan Ismail.
Pengawa ke diatur Majlis Adat Istiadat Sarawak sehari berunggu tu digulu kira 200 iku tuai raban bansa nyengkaum tuai rumah ba pelilih nya.
Gramong ti mega nyadi ADUN Machan madahka, pengawa sehari nya awak ke manah alai bala tuai raban bansa nambahka penemu sida.
Maya tu mega, iya ngelalau bala tuai raban bansa enggau tuai rumah ngambika semampai ngembing enggau ngiring komuniti rumah panjai nitihka atur ke udah ditulis ba setipikit sida.
“Anang ngelengka tanggungpengawa kita enti udah nerima setipikit laban tu mega nyauka sebaka enggau tang- gungpengawa nyadi pengari rayat.
“Anang jauh ari rayat ngambika rayat ulih nyukung perambu perintah lalu anang ngasuh rayat saru enggau program pemansang perintah,” ku iya.
Iya mega ngelalau bala tuai raban bansa enggau tuai rumah anang lengkas ngerijat nyema bisi orang bejai sereta anang ngasuh rayat sida enda pechaya ngagai sida nyadi tuai.
“Enti rayat udah pechaya ke kita, kita muntang agi bejalaika tanggungpengawa. Nama-nama jaku ari orang terima enggau runding ti positif awakka tau mai penguntung ngagai diri empu.
“Pia mega saup meh perintah nyadika mata enggau pending sida awakka ngemuntangka agi perambu enggau program perintah ti deka ngemansangka rayat,” ku tandu Gramong.