Elvinson enggau Elanne champian pekit belagu MDLA
ENGKILILI: Librari Mensia Mayuh Opis Kaunsil Pelilih Lubok Antu Engkilili (MDLA) udah mujur ngatur program belagu ungkup nembiak ke dikumbai ‘Pekit Bintang Kecil Sambil Membaca’ Tikas Sekula Primari 2014 kena 8 Ogos tu tadi di Dewan Serbaguna Engkilili ditu.
Pengerami nutup pekit tu dipenyadi Pemesai Pelilih Lubok Antu, Jack Aman Luat .
Bisi 20 iku pelajar Sekula China ( SJK) Chung Hua, Engkilili, Sekula Primari (SK) Engkilili No.1 enggau No.2 sereta SK Nanga Aup bisi ngambi bagi nyerumba pekit tu.
Berebak enggau nya, champian ba kategori lelaki dipenggi Elvinson Ng Jia Tao ari SJK Chung Hua Engkilili lalu lumur dua enggau tiga dipenggi Augustino Lopez Joseph ari SK Engkilili No 2 enggau Addyson Douglas Palin ari SK Engkilili No.1.
Dua iku pemenang perais pengaga ati nengah kategori pekit tu iya nya Loius Figo Larry ari SK Engkilili No.1 enggau Leoeinstien Jawie ari SJK Chung Hua Engkilili.
Udah nya, ba kategori pelajar indu, champian dipenggi Elanne Sharrone ari SJK Chung Hua Engkilili.
Lumur dua dipenggi Eangeline Daphne ari SJK Chung Hua Engkilili enggau lumur tiga dipenggi Sheilla Anjap Nyamie ari SK Nanga Aup, Engkilili.
Udah nya, semilan iku pemekit bukai nengah kategori tu bela nerima perais pengaga ati iya nya Jackfica Jack Jackson Jamba (SK Engkilili No 1), Siti Aisyah Amir (SK Engkilili No.2), Erecca Merara Peter (SK Engkilili No.1), Shirley James (SK Engkilili No.2), Easter Dustant (SK Engkilili No.2), Fresia Sonia Joseph (SK Engkilili No.2), Guinevera Baik Jensen Hila (SK Engkilili No.2), Caroline Tasia Jocye ( SK Engkilili No.2) enggau Suziena Abong (SK Engkilili No.2)
Berebak enggau nya, perais ‘Persembahan Terbaik Bintang Kecil 2014’ dipenggi Elvinson Ng Jia Tao ari SJK Chung Hua Engkilili lalu perias ‘ Pakaian Terbaik’ dipenggi Elanne Sharrone ari SJK Chung Hua Engkilili.