Nengah JPK nembiak ari STB ulih besemekih
Kelimpah ari diberi awak ngemanahka ulah diri sida di sekula tu diajar ngulihka pengelandik
KUCHING: Sekolah Tunas Bakti (STB) palan endur sekeda nembiak ke jai ulah diberi peluang kedua ngemanahka penyai diri.
Menteri Pengintu Pengelantang Pendiau, Orang Indu enggau Pemansang Ruang Bilik Datuk Fatimah Abdullah madah, ba STB raban nembiak diputuska kaul dalam gaya pengidup ke negatif ke alai sida diembing ba pekara ngintu pemanah ulah diri.
“Ba tiap renggat pengidup nembiak, sida napi macham penguji lalu bisi sekeda teparuk ba gaya pengidup ke enda menuku.
“Raban nembiak ke limpang ari pengidup ti menyana patut diberi peluang kedua lalu STB meh palan endur pengawa nya dipejalai.
“Tu meh tuju kitai ngengkah sida ba STB nengah Opis Pengintu Pengelantang Pendiau Raban Bansa (JKM),”ku iya.
Fatimah mansutka jaku tu maya ‘Majlis Graduasi Sijil Kemahiran Malaysia (SKM) ke II’ Sekolah Tunas Bakti
“
Setipikit nya deka nentuka sida ulih besemekih enggau orang bukai ngerebut
” awak ba makit pengereja pengawa. Datuk Fatimah Abdullah Menteri Pengintu Pengelantang Pendiau, Orang Indu enggau Pemansang Ruang Bilik
Kuching ba sebengkah hotel ditu, kemari.
Kelimpah ari nya, iya mega madah pengawa nyikap raban nembiak STB enggau pengelandik entara sebengkah pekara ti dikemerat.
Ku iya, nengah atur nya raban nembiak dikearap teulihka batang pengawa lalu ulih mega meri pangka ke positif ba sida.
“Perintah, nengah Opis Pemansang Pengelandik (JPK) deka nentuka raban nembiak ke pansut ari STB teulihka SKM Tahap 1.
“Setipikit nya deka nentuka sida ulih besemekih enggau orang bukai ngerebut awak ba makit pengereja pengawa,” ku iya seraya madah, nembiak ke diengkah ba STB ketegal perintah ari kot pengudah sida teparuk ba pengawa salah.
Bisi 27 iku nembiak STB nerima SKM Tahap 1 kemari ke alai ari penyampau nya 8 iku ari kos Juru Lekterik (rendah), 9 (Pengawa betukang kayu) sereta 10 ari kos betanam betupi.
Sekolah Tunas Bakti tu ditumbuhka ba Jalai Dato Mohd Musa, Samarahan kenyau ari taun 1971.
Sekula ke ditumbuh ba taun 1948 tu, suba dikelala ngena nama Sarawak Boys Home di Jalai Pending ditu.
Bela datai ngulu atur pengawa nya, Sapit Direktor (Operasyen) JKM Zulkiply Ramli, Sekretari Mendam ( JKWPK) Rodziah Morshidi, Direktor Bagi Nembiak (JKM) Arfan Sulaiman, Direktor JKM Abang Shamsudin Abang Seruji, Direktor JPKS Zaid Mat San enggau Pengajar STB Armisy Basri.