Opis Sains IPGKTAR, PPD Saratok udah begempung ngatur Program Outreach Sains

KOTA SAMARAHAN: Opis Sains Palan Pematih Pengajar Kampus Tun Abdul Razak (IPGKTAR) nengah kerejasama Yayasan Sarawak enggau Opis Pelajar Pelilih Mit (PPD) Saratok udah ngatur Program Outreach Sains Sekula Menua Pesisir ba Sekula Primari Orang Kaya Temenggong Tanduk, Saratok.

Taun tu SK Orang Kaya Temenggong Tanduk dipilih nyadi tuai rumah ti mega palan kedua endur ngatur Program Outreach Sains Sekula Menua Pesisir Opis Sains IPGKTAR.

Taun seiti nyin kemari, program ke sama diatur ba Sekula Primari Rebak, Asajaya lalu tagit nembiak ke nyereta program nya, baka nembiak Primari 5 enggau Primari 6.

Tuju program tu diatur dikena ngangkatka penyulut nembiak UPSR dalam sabjek Sains kelimpah ari nempa kerejasama enggau ejensi sereta orang ari luar ke alai program nya mega dikena nempa pengerindu enggau pengelandik pengajar pelatih nengah pengawa belajar ti manah agi.

Nambahka nya, tuju program tu diatur mega muka peluang mansik pelajar Sains.

Yayasan Sarawak, taun nyin kemari mega bisi nyereta program ti tu sereta udah ngungkupka belanja dikena ngatur program nya.

Bisi 12 buah sekula primari nyereta program nya baka SK Orang Kaya Temenggong Tanduk, SK Praja, SK Ng Abu, SK Ulu Budu, SK Sg Entebu, SK Temudok Awik, SK Sungai Antu, SK Supok, SK Kabo Hilir, SK Mendas, SK Babang, enggau SK Ng Budu.

Nambahka nya bisi 17 iku pengajar pelatih semester 8 IPGKTAR ari bidang Sains nyereta program nya.

Entara atur pengawa ti dipejalai sepemanjai program nya baka interaktif Sains, aktiviti hands- on kemahiran proses Sains, aktiviti hands-on konsep Sains, Magical Science, woksyop UPSR, enggau ceramah motivasi.