Perintah seruran ngamatka danji
Menua Hulu Poi diatu udah nerima mayuh bengkah pemansang
KANOWIT: Rayat ke nguan menua Hulu Poi udah nerima mayuh bengkah pemansang lalu sida di menua nya diatu berasai gaga amai laban ke udah ensepi pemansang ti diberi perintah.
Menteri Muda Pemansang Tanah, Datuk Gramong Juna ( gambar) madah, Hulu Poi diatu bisi jalai alun ke baru ti mandangka perintah endang seruran ngamatka danji ngemansangka rayat ke diau ba menua pesisir.
“Udah tu, Hulu Poi deka digagaka seiti jematan nengah kandang menua Majau enggau pasar mit Kanowit. Naka ke diatu, pengawa ke deka ngaga jematan nya udah dikemendar semina nganti surat ari perintah. Jematan nya deka digaga enda lama agi,” ku iya.
Iya mansutka jaku nya rambau ke ngulu ‘Program Berambeh Bersama Pemimpin’ ke diatur bala Komiti
“
Udah tu, Hulu Poi deka digagaka seiti jematan nengah kandang menua Majau enggau pasar mit Kanowit. Naka ke diatu, pengawa ke deka ngaga jematan nya udah dikemendar semina nganti surat ari perintah. Jematan nya deka digaga enda
” lama agi. Datuk Gramong Juna Menteri Muda Pemansang Tanah
Genturung Pendiau (KRT) Hulu Poi ba Rumah Muran Kilau, Hulu Poi ditu empai lama ke udah.
Sama bela bisi datai, Datin Catherine Gramong, Sekretari Politik ngagai Kepala Menteri Maurice Giri, Pemesai Menua Pelilih Mit Kanowit Katis Noel Nyabong, Pemesai Opis Pemadah Menua Kanowit Wan Mohd Zuki Wan Ismail, Chairman KRT Hulu Poi Jabang Juntan sereta Tuai Rumah Muran Kilau.
Ba pengerami nya, Gramong ti mega mangku tanggung pengawa nyadi Menteri Muda Dagang Temuai madah projek ngaga jematan kayu dikena nanchang perau panjai peranak Hulu Poi udah dikemendarka perintah enggau ungkus RM50,000 di baruh Projek Infrastruktur Asas (PIAS).
Iya mega nyuaka geran projek mit pemansang menua pesisir (MRP) penyampau RM20,000 ngagai Komiti Pemansang enggau Pengelikun Genturung Pendiau (JKKK) Rumah Muran, JKKK Rumah Usup ( RM10,000) sereta JKKK Rumah Aleh (RM10,000).
Gramong mega madah, enti jematan nya udah tembu digaga ila, dia menua Hulu Poi enggau Majau sereta Kanowit deka nyadi menua ke chukup beguna.
Ku iya, projek Jalan KapitSong- Kanowit ke diadang tembu dalam tempoh tiga taun ke deka datai dijangka ulih ngemansangka menua nya ila.
“Nya alai enggau nya, aku ngarapka kita sama ulih besabar nganti penembu projek tu.
“Ngagai kita ke diau ditu (Hulu Poi), sabar meh nganti projek ngetar jalai laban iya deka dipejalaika enda lama agi,” ku iya.
Gramong ti mega nyadi Kaban Kunsil Nengeri (ADUN) Machan mesan rayat menua nya sama begempung ati sereta beserakup dikena ngemujurka pengawa perintah ke deka ngemansangka menua sida.