Edmund landik ngereja pengawa asal orang indu
Ukai semina ketegal pengerindu aja tang ulih dikena nambahka penatai pemisi ruang bilik
KUCHING: Nyerunyut pemansang dunya ti moden, Edmund Pawie Gayok, 64, ulih ngereja pengawa asal ke semina dikereja orang indu dulu kelia baka ngaga marik empang, betenun enggau beranyam.
Edmund ti asal ari Bintulu ngembuan pengelandik ngaga marik empang, betenun enggau beranyam ukai semina ketegal pengerindu ati iya aja, tang ulih mantu nyungkak penatai pemisi diri sebilik.
Iya madah, ngemeranka pengawa asal nya mega ulih nyaup ngangkat sereta ngelakuka pesaka asal baka pua kumbu, marik empang, asil anyam ari rutan enggau utai bukai.
Taja pia ku iya, dikena napi peminta ari mensia mayuh ti deka meli, kelimpah ari ngemeratka chura tauka buah asal, chura moden mega dipasukka dalam asil tenun enggau marik empang.
“Ba penemu aku laban dunya udah jauh moden, diatu orang lelaki ulih ngereja pengawa asal ti semina dikereja orang indu kelia baka ngaga marik empang enggau nganyam, kelia orang lelaki enda diasuh betenun ketegal mali tang diatu nadai pemali agi, baka aku empu ke nemu betenun.
“Aku ngereja pengawa asal kitai Iban baka ngaga marik empang, betenun enggau nganyam tu endang bepun ari pengerindu ke berengkah dikemeran kenyau ari taun 70-an suba.
“Laban ke udah pinchin pengawa tu dikena aku ngisi awak ke lepa, tambah mega bisi peminta lalu ulih dikena nambahka penatai pemisi,” ku iya madah ngagai Utusan Borneo sentang pengelandik diri ba pengawa betenun, beranyam sereta ngaga marik empang ke endang asil iya ti belajar ke diri empu.
Edmund ti pinchin nyadi pengajar dalam taun 2007 madahka diri endang ngajar sabjek Seni nyengkaum ngajar nembiak nganyam, ngaga sarang pinsil sereta nero batik.
Lebuh ditanya silik sentang dagang ti dikemeranka iya, Edmund madah kelimpah ari ke dijual, iya mega bisi nyuwa kereban ngepan ke digaga iya baka marik empang, asil tenun ngagai orang ke deka nyuwa.
Rega marik empang ke digaga iya empu nya dijual enggau rega RM250 nyentuk ke RM300, nitihka gaya chura tauka buah, lalu rega talam ke digaga ari wi enggau semua utai ke dianyam berega urung RM15 nyentuk ke RM100.
“Kelimpah ari ke dijual aku mega bisi nyuwa kereban ngepan kitai Iban ngagai orang ti deka masuk pekit Kumang, ke alai rega suwa nya urung RM350 nyentuk
“
Ba penemu aku laban dunya udah jauh moden, diatu orang lelaki ulih ngereja pengawa asal ti semina dikereja orang indu kelia baka ngaga marik empang enggau nganyam, kelia orang lelaki enda diasuh betenun ketegal mali tang diatu nadai pemali agi, baka aku
” empu ke nemu betenun. Edmund Pawie Gayok Pengemeran ngaga asil pengelandik jari
ke RM400,” ku iya ti semina bejalaika dagang ba rumah aja.
Edmund seiku ari penyereta Promosyen Asil Pengelandik Jari Malaysia 2014, ti diatur Kaunsil Pemansang Asil Pengelandik Jari Malaysia Pampang Sarawak ba Tebing Ai Kuching ditu, ngelama 10 hari (29 Ogos nyentuk ke 7 September).
Ku iya, program ke diatur perintah baka nengah Promosyen Asil Pengelandik Jari Malaysia meri peluang ngagai pengemeran asil pengelandik jari ngayanka pesaka asal menua tu ngagai temuai ke bisi datai nyengkaum ari