Pengawa berumah patut nitihka atur ti menuku
Peranak menua Kapit dilalau ngambika enda sengapa ngentak rumah ti tau ngasuh kandang bandar temera
KAPIT: Sapit Menteri Pemansang Menua Pesisir enggau Kandang Menua Datuk Alexander Nanta Linggi madah, peranak menua ti diau ngelingi kandang bandar Kapit patut nitihka atur ti menuku sereta menyana lebuh berumah.
“Asai aku, sida tu begunaka atur ti engkeman lebuh berumah ba kandang endur ngelingi bandar Kapit ditu. Manah agi sida tu berumah panjai nitihka atur ti menuku. Kitai enggai meda sida sepeneka ngentak rumah ke nadai nitihka atur lalu nya mega ngasuh menua temera sereta ngujungka pendiau enda bepengerai,” ku Nanta maya bejadika pengawa ngentak tiang rumah panjai Tatai Emas pemanjai 25 pintu di Sungai Amang, Jalai Selirik ditu kena Hari Enam tu tadi..
Nanta ke mega kaban parlimen Kapit madah, Rumah Tatai Emas dikira betuah laban bisi taba endur berumah panjai, sida tu ke bendar peranak Rh Engking Kedal urung 1 kilometer ari tu. Berindik ari penyekut ba rumah panjai lama, nya ngasuh sida tu ngentak ditu, din udah nadai endur mansang agi.
Berebak enggau nya iya meransang semua peranak rumah panjai berundingka chara ti pemadu manah sebedau ngentak laban pengawa berumah mayuh bungkur baka ngerata taba, ngatur entara sereta mayuh ke bukai indah enda baka rumah teres di pasar.
“Aku, di baruh Opis Menteri Pemansang Menua Pesisir enggau Kandang Menua ( KKLW) endang bisi bejalaika atur dikena nyaup orang berumah tauka ngemanahka rumah ke udah tuai,” ku iya.
Opis menteri iya endang mantu orang ti begunaka saup enda milih sapa, sekalika sida di mengeri, menua pesisir tauka berumah panjai di ulu entigis.
“Aku ti nyadi pengari rayat, gawa ke perintah Barisan
“
A sai aku, sida tu begunaka atur ti engkeman lebuh berumah ba kandang endur ngelingi bandar Kapit ditu. Manah agi sida tu berumah panjai nitihka atur ti menuku. Kitai enggai meda sida sepeneka ngentak rumah ke nadai nitihka atur lalu nya mega ngasuh menua temera sereta
” ngujungka pendiau enda bepengerai. Datuk Alexander Nanta Linggi Sapit Menteri Pemansang Menua Pesisir enggau Kandang Menua
Nasional (BN) seruran ngemeratka mensia ti suntuk sereta begunaka bantu.
Dulu ari nya, protem chairman Rumah Tatai Emas, Steward Saba minta peranak rumah panjai nya ngemeratka kerejasama entara diri.
“Aku arapka kitai ulih besaup ngemansangka rumah panjai tu ila ngambika penyamai sereta pemuntang maya nguan rumah diri seruran dikemerat belama.
Tuai Rumah Engking Kedol lebuh bejaku madah, “Kitai di Kapit ditu seruran ngemeratka pengelikun sereta pemanah kaul enggau pangan diri. Kitai bisi kaban parlimen (MP) Datuk Alexander nyadi pengiring lalu ari nya kitai enggaika orang bukai ngachau pengelikun ditu, aku ke nyadi tuai rumah mai semua kitai ngeringka diri lalu nyukung