Badu belaya dikena negapka BN: Mawan
TE RA S ukai ngeruga sapa- sapa orang tang dikena mutarka penanggul ke bisi nuntung
BAU: Presiden Parti Tenaga Rakyat Sarawak (TERAS) Tan Sri William Mawan Ikom ngelalau bala ketuai ari Parti Demokratik Progresif Sarawak (SPDP) badu belaya ngambika Barisan Nasional (BN) mengkang tegap.
Kebuah pia, ku Mawan utai ke lebih beguna diatu iya nya nyikap diri dikena napi pengawa bepilih besai nengeri ke deka datai ngena ayu BN.
“Penanggul sigi enda nemu ambis tang enti sida beamaiamai deka bebaik, sida ulih ngerara api pengeringat enggau jampat.
“Dikena mutarka penang- gul ke nuntung parti pekara ke bekaul enggau diri empu patut diiar laban utai ke lebih beguna diatu iya nya nyikap diri dikena napi pengawa bepilih besai lalu ukai ngerunding diri empu,” ku iya.
Mawan madah munyi nya rambau Pengerami Tuai Begulai Enggau Rayat N.2 Tasik Biru di Pusat Komuniti Redeems, Singai ditu malam kemari.
Tandu Mawan, Sapit Presiden TERAS Datuk Peter Nansian Ngusie mega udah mansutka penerang nama utai ke nyadi dalam SPDP nyentuk ke TERAS ditumbuh.
“Maya aku agi nyadi Presiden SPDP, aku alit ati baka ni ketuai enggau bala kaban dalam SPDP ulih belaya enggau presiden.
“Minta kuasa aku beri, nama agi utai ke dikedeka sida ari aku. Aku udah nyerahka semua parti nya ngagai sida,”ku iya.
“Diatu aku nyadi ketuai dalam TERAS lalu aku nemu kuing penungga parti tu, nyadi semua kita enda ibuh irau laban kita enda tesat nitihka TERAS.
“TERAS ukai ngeruga sapa-sapa orang tang dikena mutarka penanggul ke bisi nuntung sereta dikena negapka BN enggau semua rayat,” ku Mawan ti mega nyadi Menteri Kanan enggau
“
Penanggul sigi enda nemu ambis tang enti sida beamai- amai deka bebaik, sida ulih ngerara api pengeringat enggau
” jampat. Tan Sri William Mawan Ikom Presiden TERAS
Menteri Pemansang Rama.
Tandu Mawan agi, nyema sida SPDP deka bejaku sentang sapa ke lebih bekuasa uji peratika baru pendiau sida diatu.
SPDP ku iya semina mengkang ngundan tiga kerusi parlimen lalu nadai seiti kerusi Kunsil Nengeri (DUN) tang TERAS bisi lima DUN enggau seiti parlimen nyadi semua iya enam.
“Nya alai ngetu bejaku sentang sapa ke lebih bekuasa laban orang ke bekuasa nadai ngangkaika pekara tu,” ku Mawan.