Rayat patut nemu reti polisi perintah: Alexander
Mayuh bengkah program dipejalai dikena ngangkatka tikas pengelantang enggau pemansang menua
KAPIT: Sapit Menteri Pemansang Menua Pesisir enggau Kandang Menua Datuk Alexander Nanta Linggi madah, rayat patut nemu reti sentang polisi enggau pelasar perintah dalam ngangkatka tikas pendiau ekonomi, pengelantang enggau pemansang menua.
Iya madah, perintah ngatur mayuh bengkah polisi enggau pelasar dikena ngangkatka tikas pemansang enggau pendiau pengidup rayat.
“Nyengkaum perambu pemansang rayat menua pesisir lalu pekara nya ukai muntang dipejalai enti nadai kerejasama ari semua piak,” ku iya.
Iya madah munyi nya rambau program Tuai Begulai Enggau Komuniti Tikas Bagi Menua ked iatur Kaunsil Pelilih Kapit (MDK) di Rumah Mamat Tinggi, Nanga Buan ditu, empai lama ke udah.
Nanta madah, kenyau Menteri Besai Datuk Seri Najib Tun Razak ngiring bala ketuai di menua tu, mayuh bengkah polisi baru udah dipejalai dikena nyungkak pemansang enggau ngenegapka ekonomi Malaysia, baka Program Transformasyen Menua Pesisir ( RTP), Program Transformasyen Ekonomi (ETP) enggau mayuh agi ke bukai.
“Endang chukup mayuh program tauka pela-
“
Endang chukup mayuh program tauka pelasar ke dipejalaika perintah dikena ngangkatka pendiau pengidup rayat ngagai ikas ke lebih nyamai setipak enggau
” konsep 1Malaysia Menteri Besai. Datuk Alexander Nanta Linggi Sapit Menteri Pemansang Menua Pesisir enggau Kandang Menua
sar ke dipejalaika perintah dikena ngangkatka pendiau pengidup rayat ngagai ikas ke lebih nyamai setipak enggau konsep 1Malaysia Menteri Besai,” ku iya.
Ngenang sentang politik, Nanta ti mega nyadi Kaban Parlimen P.215 Kapit nesau semua rayat ba kandang menua nya ngambika terus beserakup sereta nyukung perintah Barisan Nasional ( BN) ngambika perintah muntang bejalaika mayuh agi program pemansang kelebih agi nyengkaum kandang menua pesisir.
Ba sentang projek-projek pemansang infrastruktur baka jalai raya, Nanta madah Projek Jalai Raya Kapit-Song deka nyadi nyata dalam timpuh tiga taun ke deka datai.
“Pengawa nyuaka tinda projek ngagai piak konterikor ungkup Projek Jalai Nanga Yong-Song deka diatur kena 8 September ( sehari tu) ngambika projek nya ulih dipejalaika enggau lengkas sereta timpuh bejalaika projek tu dalam pengelama tiga taun setengah (42 bulan).
“Tu mandangka perintah endang ngembuan perambu dikena ngemansangka menua Kapit enggau bejalaika projek jalai raya nyentukka nyadi nyata sereta ukai bejaku puang,” ku iya.
Bekaul enggau Program Pemansang Komuniti Nembiak, Lumba enggau Main Asal ke diatur MDK, iya madaka diri chukup terima kasih ngagai piak MDK laban tiap kali program bansa nya diatur, sida seruran ngangauka iya datai bejadi pengawa nya di sitak Parlimen P.215 Kapit.
“Ba aku, piak MDK (kaban kaunsil enggau staf bukai) udah bejalaika tanggung pengawa sida enggau naka pemanah kelebih agi ari sukut ngatur program- program ungkup komuniti dikena ngedut kaul enggau rayat sekalika di kandang mengeri tauka ba menua pesisir,” ku iya seraya madah, utai tu patut bisi sukung ari rayat.
Bela bisi bejaku, Ketuai Kaunsil MDK Kr Philimon Nuing, Chairman Pengatur Program Kr Ellison Silo Bilun, Sekretari Politik ngagai Kepala Menteri Wilson Nyabong Ijang, Ketuai Tuai Raban Bansa Pengulu Nalong Daga enggau Tuai Rumah Mamat Tinggi.
Philimon madah, pengawa ngatur Program Pemansang Komuniti, Nembiak, Lumba enggau Main Asal endang atur pengawa ke diperambu dikena ngedut kaul bala ketuai enggau rayat kelebih agi ngagai sida ke diau ba menua pesisir.
“Program tu mega, piak kaunsil deka ngatur mayuh bengkah program baka beripai begulai enggau rayat, ngatur pengawa sukaneka, macham main enggau licha ari ejensi-ejensi ke bisi dikanggau,” ku iya.
Ari sukut program, Philimon madah program nya diatur dua kali setaun nitihka gintir sitak DUN.
Taun tu, program keterubah deka diatur ba Rumah Gerunsin Nanga Nyimoh, Katibas Song kena tengan bulan seiti ke udah lalu diatu gintir sitak DUN Pelagus di Rumah Mamat, Nanga Buan.
Bela bisi datai dua iku Sekretari Politik ngagai Kepala Menteri Wilson Nyabong Ijang enggau Jefferson Jamit Unyat, Pemesai Pelilih Kapit Elvis Didit, Sekretari MDK Yong Ing Chu, Pengulu Nalong Daga, 35 iku tuai rumah, 14 kaunsilor sereta lebih 300 iku peranak rumah panjai nya enggau temuai ke bisi dikanggau.