Patut kitai nganti rangkang ngachuk mata?
Peranak Rh Abang, Rh Kamput minta jematan nya dikemanah sebadau ngenataika penusah
KUCHING: Jematan Nanga Seteras, ke nyadi penyambung jalai ngagai urung 300 iku peranak Rh Kamput enggau Rh Abang bejalaika pengawa ninting hari,diatu balat bendar rusak sereta patut diganti enggau lengkas.
Irauka jematan nya runtuh, peranak ari dua buah rumah panjai nya begempung enggau 40 buah agi ruang bilik ke bukai sama minta bantu ari raban ke bekuasa baka Opis Kereja Raya (JKR) ngaga jematan baru dikena nyilih jematan nya.
Mathew Labang, 27, madah, peranak menua nya ngasaika jematan nya enda likun ditengah, sereta enda nakal agi ditepan kerita ke berat nyemerai kin kitu. Bisi sekeda ari sida mantaika langgur penemu ngambika jematan nya digaga baru ngena jematan besi ngambika tan agi, sereta
“
Uji perundingka enti sema bisi lori ke berat ngundan semin tauka bata nengah jematan nya. Pelaba aku jematan nya tentu enda tan ditepan utai berat ti tau bendar ngasuh bebadi. Anang nganti jematan nya ngenataika penusah baru
” deka berunding.
Mathew Labang
meri pengelantang peranak menua nya.
“Semina Seteras nya meh ti nyadi penyambung jalai peranak menua nya ngagai pasar Julau ke urung 20 kilometer penyauh ari nya.
“Uji perundingka enti sema bisi lori ke berat ngundan semin tauka bata nengah jematan nya. Pelaba aku jematan nya tentu enda tan ditepan utai berat ti tau bendar ngasuh bebadi. Anang nganti jematan nya ngenataika penusah baru deka berunding,” ku Mathew ti gawa ba Opis Pengerai Sibu madah ngagai The Borneo Postkilah ensanus.
Kelimpah ari nya, iya mega benung nganti peluang ngenataika pesan ari peranak menua nya ngagai Kaban Kunsil Nengeri Meluan, Wong Judat ngambi berundingka pekara nya.