Buah limau ke ditanam peranak Rh Dinel, di Sg Ilas Bintangor suah agi dijual ke Kuching
BINTANGOR: Opis Betanam Betupi Pampang Sarikei enggau Meradong udah nemuai ngagai kebun limau enggi peranak rumah panjai Daniel Berahim di Sungai Ilas, Bintangor, empai lama tu tadi.
TR Daniel maya tu bisi madah, pemesai tanah alai sida serumah nanam limau kira bisi 50 ikar.
Ku iya, limau ke ditanam sida suah agi dijual diri empu kelimpah dibai ngagai menua bukai baka Kuching.
“Pengawa kami ke bekebun tu bisi disaup Opis Betanam Betupi, Peladang enggau Lembaga Pemasaran Pertanian Persekutuan (FAMA),” pia ku iya madah.
Kelimpah ari nya, iya ma- dahka sida serumah mengkang ngena perau diri empu tauka ekspres maya deka nyual limau ke pasar Bintangor.
Penemuai tu disempulang Residen Sarikei Dahim Nadot, Pemesai Opis Pelilih Menua Meradong Mastapha Julaihi, Penghulu Augustine Pau, Pemesai Opis Betanam Pelilih Meradong Methew Bato, bala tuai rumah enggau bala bukai.
Raban sida bisi dibai nemuai meda kediri kebun limau enggi peranak Rumah Daniel.
Berebak enggau tu mega, bala ke bisi datai ngena awak nya begulai sereta berandau enggau lebih 200 iku bala ba menua nya kelimpah sida rumah Daniel. KUCHING: Endang dipelaba seiku Kaban Kunsil Nengeri (ADUN) Bebas George Lagong ( gambar) entara ADUN ti milih Datuk Lihan Jok nyadi Senator ungkup penggal kedua, berebak enggau rabak penyakal ke milih Thomas Tegong Laka.
Pemutus ngenyit ari George nya ba sekeda ADUN endang udah dijangka laban George ditemu berindik ari penemu iya ti ngumbai diri kaling Barisan Nasional (BN), ba pengawa milih Senator, ADUN BN-Layar ti mega nyadi Sapit Kepala Menteri Datuk Patinggi Tan Sri Alfred Jabu nyadang ADUN Telang Usan Datuk Lihan Jok lalu disukung Tan Sri Datuk Amar Dr James Masing.
Ketegal pemutus George ke sama nyukung Lihan nyadi Senator ungkup Penggal Kedua, narit ati mayuh kaban ADUN bukai ke gaga ati sereta munyi Dewan ke chapuh laban tempap jari bala ADUN.
George entara 53 ADUN ke ngundi Lihan ngalahka seiku ‘personality’ radio tebilang, Thomas Sixtus Tegong Laka ti dichalunka ADUN Kota Sentosa Chong Chieng Jen lalu disukung ulih ADUN Padungan Wong King Wei. Undi Thomas semina nerima 14 iti aja ari penyakal.
George kala nyadi sapit presiden Sarawak Workers Party (SWP) ke agi berunding enti iya patut begempung enggau Pakatan Rakyat (PR) menua tu tauka agi mengkang nyadi Kaban Bebas dalam